Bìoball air-loidhne

Chṳ̂m-ngièn 7 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Lai-é â, oi chûn-sú ngài ke fa, m̀-hó m̀ ki-tet ngài ke kie-min.

² Chûn-sú ngài ke kie-min, ngì chhiu voi yû fûng-sṳn ke sâng-miang; oi sú ngài ke kau-sṳ, chhiong pó-fu chhṳ-kâ ke muk-chû-yìn.

³ Oi thak chhai ngì ke sú-chṳ́-thèu, oi khat chhai ngì ke sîm-pán hong.

⁴ Oi tui Chṳ-fi kóng: “Ngì he ngài ke chí-moi”; oi chiông kien-sṳt chún-cho ngì ke chhîn-ngìn.

⁵ Kì-têu chhiu voi pông-chhu ngì yén-lì yìm-fu, lì-khôi phe̍t-ngìn choi-thiàm sa̍t-va̍t ke pû-ngiòng.

Thì-fòng Pûn Set Mì

⁶ Yû yit-pái, ngài chhai vuk-tú tui chhûng-mùn khon hâ-hi,

⁷ khon-tó chhin-tô ngong-chhṳ̍t ke heu-sâng-ngìn; ngài thi̍t-phe̍t chu-yi khì-chûng yit-ke thèu-nó kién-tân ke.

⁸ Kì chhai kiê-lu khiun chón-kok ke thi-fông, hàng-ngi̍p yit-ke yìm-fu he̍t ke hong-tú,

⁹ ngit-thèu lo̍k-sân heu, thiên am lé, chhai am sò-sò tông-chûng, hàng-khiûn kì ke mùn-héu.

¹⁰ Ngài khon-tó yit-ke fu-ńg chhut-lòi ngiàng-chiap kì, tá-pan chhiong chhông-kî, yû kúi-cha ke sîm-sṳ̂.

¹¹ Kì yit-liu-lî fong-thong m̀-tî kien-seu, sṳ̀-sòng chhai kiê-hong hàng-lòi hàng-hi,

¹² yû-sṳ̀ chhai kiê-thèu hong-mî, yû-sṳ̀ chhai sṳ-chhòng tú yín-yu ngìn.

¹³ Kì lâi-tó ke heu-sâng-ngìn, lâu kì chîm-choi, m̀-tî kien-seu tui kì kóng:

¹⁴ “Ngài kîm-pû-ngit vàn-ngien hien-chi, vuk-hâ hàn-chhûn chhin-tô sên-ngì,

¹⁵ só-yî ngài chhut-lòi chhìm ngì, chhin sióng-oi lâu ngì kien-mien, mò sióng-tó chhai liá-vi tù-tó ngì!

¹⁶ Ngài yí-kîn nâ Âi-khi̍p chhái-set chhòng-tân phû-hó ngài ke mìn-chhòng,

¹⁷ yung mu̍t-yo̍k, chhṳ̀m-hiông, kui-phì, chiông mìn-chhòng hiûn-to hiông-hiông.

¹⁸ Lòi â, ngài-têu hióng-su oi-chhìn, chhin-chhìn fôn-lo̍k, chhṳ̍t-to thiên-kông.

¹⁹ Ngài ke ló-kûng mò-chhôi vuk-hâ, hi chhin-yén ke thi-fông lî-hàng.

²⁰ Kì tai yit thai-pit chhièn hi, to ngie̍t-pan chang voi chón-lòi.”

²¹ Ńg-ngìn yung ô-mì fung-sṳ̀n yín-yu kì, yung choi-thiàm sa̍t-va̍t ke fa mì-fe̍t kì.

²² Heu-sâng-ngìn chit-sṳ̀ thèn-tén kì hàng, chhiong ngiù pûn-ngìn khiên-hi thù-chái-chhòng, yu chhiong lu̍k-é tiet-lo̍k ham-chiáng tú,

²³ chhṳ̍t-to li-chien sa-chhôn kì ke sîm-kôn; kì chhiong tiâu-é pî-ngi̍p lò-mióng, vàn-chhiòn m̀-tî chhṳ-kâ ke sâng-miang chhai ngùi-hiám chûng.

²⁴ Lai-é â, ngì-têu liá-ha oi thâng-chhiùng ngài, oi chu-yi thâng ngài só-kóng ke fa.

²⁵ M̀-hó pûn yìm-fu mì-fe̍t ngì-têu ke sîm; m̀-hó ngong-sṳ̀n ngong-sṳ̀n thèn-tén kì hi.

²⁶ Kì yí-kîn sṳ́ hó-tô ngìn vang-tó, yû chhin-tô nàm-ngìn pûn kì hoi-sí.

²⁷ Ngì hi kiâ vuk-hâ, he hàng vòng-chhièn lu, lo̍k sí-mòng yîm-kiên.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan