Bìoball air-loidhne

Chṳ̂m-ngièn 31 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Li-mu-yî-le̍t-vòng Â-mê ke Kau-hiun

¹ Hâ-poi he Li-mu-yî-le̍t-vòng ke fa, he kì ke â-mê kau-hiun kì ke chṳ̂m-ngièn:

² Ngài ke lai-é, ngài chhîn-sên ke lai-é, ngài khì-tó hí-ngien tet lòi ke lai-é, ngài oi ngióng-pân kâu ngì chang-hó nè?

³ Ngì m̀-hó chhai ńg-ngìn sṳ̂n-song hô-fi ngì ke chîn-li̍t; liá-chúng sṳ sṳt hoi chhin-tô kiûn-vòng sṳt-phai.

⁴ Kiûn-vòng cho-m̀-tet ô, Li-mu-yî-le̍t â, kiûn-vòng cho-m̀-tet lîm-chiú; vòng-chṳ́ cho-m̀-tet thâm ngiàm-chiú.

⁵ Kì-têu na-he lîm-chiú, voi m̀ ki-tet koet-fap, ya voi pok-siok yit-chhiet khun-khú ngìn ke khièn-li.

⁶ Ngiàm-chiú he pûn mien-tui sí ke ngìn, phù-thò-chiú he pûn sông-sîm ke ngìn;

⁷ pûn kì-têu lîm, pûn kì-têu m̀ ki-tet chhṳ-kâ ke khiùng-khú; pûn kì-têu m̀-sṳ́ kín-sióng chhṳ-kâ ke put-hen.

⁸ Ngì oi vi mò-khièn chhut-sâng ke ngìn kóng-fa, ya oi vi yit-chhiet chhôi-ko ke ngìn sṳ̂n-yên.

⁹ Ngì oi thoi kì-têu chhut-sâng, oi kûng-tong phan-ton, oi vì-fu phìn-khiùng ngìn lâu kân-khú ngìn ke khièn-li.

Hièn-fi ke Pû-ngiòng

¹⁰ Hièn-fi ke pû-ngiòng sṳ̍t-chhai chhin nàn-tet ô! Kì ke ka-chhṳ̍t pí chû-pó hàn-kha kui-chhung!

¹¹ Kì ke ló-kûng cho-tet fong-sîm sin-lai kì, sû-ngi̍p thin-chho̍k m̀-voi m̀-la yung.

¹² Kì yit-sên-ngìn sṳ́ ló-kûng tet-tó hó-chhu, yit-chhṳ̍t m̀-voi sṳ́ kì yû má-ke sún-hoi.

¹³ Kì chhìm yòng-mô lâu mà-sâ, fôn-hí sat-mâng cho sâm-fu.

¹⁴ Kì ya chhiong sông-sòn khiung-yong, tui yén-fông yun liòng-sṳ̍t lòi.

¹⁵ Kì thiên hàn màng-kông chhiu hong-chhòng, vi chhiòn-kâ ngìn chún-phi sṳ̍t-vu̍t, chṳ́-tiám fûn-phi sṳ́-ńg kûng-chok.

¹⁶ Kì khon chung-yi ke thièn-thi chhiu mâi hâ-lòi, yung chhṳ-kâ ke li̍t-liong kâng-chung phù-thò-yèn.

¹⁷ Kì kiê-hèn yêu-tai, sat-mâng cho-se, sûng-sú chhin chhut-li̍t, lò-luk kûng-chok.

¹⁸ Kì tî chhṳ-kâ só kîn-yìn ke yû-chhièn chhon, vuk-hâ ke tên-fó tiám kông-kông cho-to pan-ya.

¹⁹ Kì vi chhṳ-kâ fóng-sien, yu vi chhṳ-kâ kâng-pu.

²⁰ Kì thai-fông kiu-chi phìn-khiùng ngìn, chhûn sûng-sú pông-chhu khun-khú ngìn.

²¹ Lo̍k-siet thiên kì m̀-sṳ́ vi vuk-hâ ngìn sèu, yîn-vi chhiòn-kâ ngìn yû ko-tûng ke sâm-fu.

²² Kì vi chhṳ-kâ cho-hó siu-fâ thán-è, chok mà-sâ lâu chṳ́-set pu cho ke sâm.

²³ Kì ke ló-kûng su-ngìn chûn-chhung, he thi-fông liâng-chhiu, chhai sàng-mùn-héu thùng pún-thi ke chóng-ló khiung-ha chhô.

²⁴ Kì cho yu-mà-pu ke sâm hi-mai, yu cho yêu-tai mai-pûn sên-lî-ngìn.

²⁵ Nèn-li̍t lâu chûn-kui cho kì ke sâm-fu; sióng-tó chiông-lòi kì chhiu fôn-thèu hí-mien.

²⁶ Kì kóng ke fa-ngî tông-yû chṳ-fi, só-kóng ke he chhṳ̀-oi ke kau-hiun.

²⁷ Kì koân-sîm kâ-vu, m̀-hén sṳ̍t hàn-fan.

²⁸ Kì ke chṳ́-ńg thai-sâng kóng, kì he yû fuk-hi ke ngìn; kì ke ló-kûng ya ô-nó kì, kóng:

²⁹ “Hièn-fi ke fu-ńg yû chhin-tô, chúng-he ngì chhêu-ko kì-têu sà.”

³⁰ Mî-mau he kho m̀-he̍t ke, ngìn chiâng ya he chhiam-sṳ̀ ke; chṳ́-yû kin-vi Song-chú ke fu-ńg yin-tông su chhṳ̂n-chan.

³¹ Ngien kì hióng-su lò-luk só-tet ke; ngien kì ke sṳ̀n-chhiu kûng-khôi péu-yòng.

Lean sinn:

Ceanglaichean taic

Sanasan