Bìoball air-loidhne

Chṳ̂m-ngièn 27 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ M̀-hó vi thiên-kông-ngit lòi khoâ-khiéu, yîn-vi yit-ngit voi fat-sên má-ke sṳ ngì tû m̀-tî.

² M̀-hó kóng chhṳ-kâ án-voi, oi tén phe̍t-ngìn khoâ-chióng ngì; m̀-hó chhṳ-khoâ, oi tén m̀ su̍k-sṳ ke ngìn chhṳ̂n-chan ngì.

³ Sa̍k-thèu lâu sâ-é lióng-hong chhin-chhûng, chúng-he ngong-tong ngìn ngiâ-hí ke fam-nan hàn-kha chhûng.

⁴ Fat-khién voi hoi-ngìn, pot-at voi sông-ngìn, chhit-tu na lòi-to, má-ngìn tong tet-he̍t?

⁵ Kûng-khôi ke chit-phi yàng-ko khong-tén ke oi-sîm.

⁶ Phèn-yû sông-hoi ngì he chhut-yì chûng-sṳ̀n; sù-thi̍t fán-chón lâu ngì lièn-lièn chîm-choi.

⁷ Sṳ̍t-páu ke ngìn, lièn phûng-thòng kì me-mò sióng sṳ̍t; tú-kî ke ngìn, lièn fú ke ya kám-kok chhin-thiàm.

⁸ Lì-kâ chhut-ngoi liù-long ke ngìn, chhiu-chhiong tiâu-é lì-teu yén-pî.

⁹ Hiông-yù lâu hiông-liau pûn-ngìn ke sîm tông sóng-khoai; phèn-yû chṳ̂n-sîm ke khien-va ya he án kâm-thiàm.

¹⁰ M̀-hó fit-thet ngì ke phèn-yû lâu ngiâ-pâ ke phèn-yû; tù-tó châi-nan ke sṳ̀ m̀-sṳ́ hiong chhîn-ngìn khiù pông-chhu, yîn-vi yén-chhîn put-yì khiun-lìn.

¹¹ Lai-é â, oi cho chṳ-fi ngìn lòi pûn ngài fôn-hí, pûn ngài yû-fa hó-en sâu-nat ngài ke ngìn.

¹² Chîn-mìn ke ngìn khon-tó ngùi-hiám chhiu sám-khôi; ngong-chhṳ̍t ke ngìn chhṳ̍t-thèu chhṳ̍t-lu su châi-hoi.

¹³ Má-ngìn vi sâng-fun ngìn tâm-pó, ngì chhiu oi nâ kì ke ngoi-sâm cho tí-ap; má-ngìn vi ngoi-chhu̍k ngìn tâm-pó, ngì chhiu oi ham kì sṳ̀n-tâm yit-chhiet heu-kó.

¹⁴ Tá-chó hong-chhòng chhàu-siáng phèn-yû, thai-sâng vi kì chuk-fuk, tông-chhiong he chu-chú kì.

¹⁵ Ngiàm-ngiàm ngiam-ngiam ke pû-ngiòng, lâu ti̍t-ti̍t ta̍p-ta̍p ke lo̍k-yí-thiên khiung-yong;

¹⁶ sióng-oi kim-chṳ́ kì ke, chhiong oi làn-chú khòng-fûng, ya chhiong yu-sú kha̍k-yù.

¹⁷ Phèn-yû fu-siông ngiên-kiu, chhiong thiet nò-thiet ye̍t-nò ye̍t-li.

¹⁸ Cheu-ku vù-fâ-kó-su ke, yû vù-fâ-kó hó-sṳ̍t; fu̍k-sṳ chú-ngìn ke, ya nèn tet-tó chûn-yùng.

¹⁹ Chhin-súi nèn cheu-mien, mien-mien siông-tui; ngìn-sîm tui ngìn-sîm, ya he án-ngiòng.

²⁰ Yîm-kiên lâu me̍t-mòng ke chhṳ̂m-yên yit-chhṳ̍t thùn m̀-voi mân; ngìn ke yu̍k-mong ya khiung-yong yún-yén mò phan-fap mân-chiuk.

²¹ Lù-fó thon-lien kîm-ngiùn, chhṳ̂n-chan kháu-ngiam ngìn-phín.

²² Ngì chhiu-he chiông ngong-ngìn piong chhai chûng-khiû tú, lâu ma̍k-é khiung-ha chûng-sui, ngong-tong hàn-he lì m̀-khôi kì.

²³ Oi séu-sîm khon-hó ngì ke yòng-khiùn, oi se-ngi cheu-ku ngì ke thèu-sâng;

²⁴ yîn-vi chhièn-chhòi m̀-he yún-kiú nèn pó-chhùn, miên-liù ya m̀-voi chhùn-to sṳ-sṳ thoi-thoi.

²⁵ Châu-chhó kot-thet, nun-chhó chhut-hien, sân-piên yâ-chhó sû-si̍p ke sṳ̀,

²⁶ ngì cho-tet chién yòng-mô cho sâm-fu, yung mai sân-yòng ke chhièn mâi thú-thi;

²⁷ sân-yòng-nen voi la ngì yit-kâ ngìn sṳ̍t, yu hó vì-chhṳ̀ ngì sṳ́-ńg ke sên-fa̍t.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan