Chṳ̂m-ngièn 26 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Hó miàng-sâng phi ngong-tong ngìn tông m̀ tên-tui, chhiong ha-thiên lo̍k-siet chhiû-sû lo̍k-yí khiung-yong.

² Mò lî ke chu-chú chhiong vuk-yàm-tiâu lâu yen-é pî-lòi pî-hi, m̀-voi lo̍k chhai ngìn ke sṳ̂n-hong.

³ Yung phì-piên tá-mâ, yung choi-lap sṳ́-lì, oi yung kun-é tá ngong-tong ngìn ke poi-nòng.

⁴ M̀-hó cheu ngong-ngìn ke ngong-fa en kì, kiâng-pha ngì ya thùng kì khiung-yong.

⁵ Oi cheu ngong-ngìn ke ngong-fa tù kì, miên-tet kì láu-tó chhṳ-kâ yû chṳ-fi.

⁶ Ham ngong-ngìn chhòn-fa ke, chhiu-chhiong chám-thôn chhṳ-kâ ke kiok, chêu-lòi sún-hoi.

⁷ Chhiong khiò-è ke kiok chhiòn-mò lu-yung, ngong-ngìn kóng chṳ̂m-ngièn ya he án-ngiòng.

⁸ Chiông chûn-yùng pûn ngong-ngìn, chhiong sa̍k-thèu thak chhai thàn-kiûng song, sa m̀ chhut-hi.

⁹ Ngong-tong ngìn kóng chṳ̂m-ngièn, chhiong chiú-chui ke ngìn nâ-tén net-su-khoá lon-tá ngìn.

¹⁰ Sùi-phien chhiáng ngong-ngìn lâu ko-lu ngìn cho-kûng ke, voi sṳ́ só-yû ke thùng-kûng chhiòn-phu su sún-hoi.

¹¹ Ngong-tong ngìn yit-pái yu yit-pái cho ngong-se, chhiong kiéu fì-thèu sṳ̍t kì só éu chhut-lòi ke.

¹² Ngì khon chhṳ-kâ láu-tó yû chṳ-fi ke ngìn mâ? Lièn ngong-tong ke ngìn pí kì hàn-kha yû hî-mong.

¹³ Lân-sṳ̂ ngìn liù-to vuk-hâ nong-sióng kóng: “Lu-hong yû sṳ̂-é, kiê-hong yû sṳ̂-é!”

¹⁴ Lân-sṳ̂ ngìn lai-chhòng fân-lòi fân-hi, chhiu-chhiong mùn-kau-é chón-lòi chón-hi.

¹⁵ Lân-sṳ̂ ke ngìn chhûn-sú to phàn-tú nâ sṳ̍t-vu̍t, lân-to lièn kiû-sú sung lo̍k-choi ya hiàm fi-hi.

¹⁶ Lân-sṳ̂ ngìn láu-tó chhṳ-kâ pí chhit-ke chhin voi yin-tui ngìn ke hàn-kha yû chṳ-fi.

¹⁷ Hi chhap mò kôn-sa̍p chhṳ-kâ ke chên-chhàu, chhiu-chhiong khiú-tó ko-lu-kiéu ke ngí-kûng.

^18-19 Phien lìn-sa yèn-heu kóng: “Ngài he lâu ngì tú-káu ke ô!” liá-ngìn chhiu-chhiong tiên-é, chiông chṳ-miang ke fó-pá lâu chien sa chhut-hi.

²⁰ Mò chhèu lòi sêu, fó thin-chho̍k voi vû-thet; mò ngìn chhòn-fa, yên-kâ chhiu thìn-hâ-lòi.

²¹ Hau yên-kâ ke chhiu voi san-thung fûn-chên, chhiu-chhiong fó-tôi thiâm-than, fó-song kâ-chhèu.

²² Poi-heu ke hàn-fa chhiong sṳ̍t phông-phai; yit lo̍k-choi chhiu thûn-to chhòng-tú hi.

²³ Choi-thiàm sa̍t-va̍t chúng-he sîm-kôn sià-ok, chhiu-chhiong chhû fì-è pâu yit-chhèn pha̍k-ngiùn.

²⁴ Thi̍t-ngìn kóng fung-sṳ̀n ngìn ke fa, chúng-he sîm-tú khong-tén kiên-cha.

²⁵ Sâng-yîm sûi-yèn vûn-yù, m̀-hó siông-sin kì, yîn-vi kì ke sîm-kôn-tú chhûng-mân ok-thu̍k.

²⁶ Sûi-yèn kì chhiên-fông pak-kie oi chiông kì ke yen-hen khong-hí-lòi, chúng-he kì ke sià-ok voi chhai chung-ngìn mien-chhièn hién-lu chhut-lòi.

²⁷ Yet ham-chiáng ke, chhṳ-kâ voi tiet lo̍k-hi; fân sa̍k-thèu ke, voi pûn sa̍k-thèu khám-tó.

²⁸ Hî-ká ke sa̍t-mà hoi kì só-nâu ke ngìn; ô-mì fung-sṳ̀n ke choi voi tai-lòi phai-fai.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan