Bìoball air-loidhne

Chṳ̂m-ngièn 25 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Só-lò-mùn ke Chṳ̂m-ngièn Thi-ngi Si̍p

¹ Yî-ha só-siá ke ya he Só-lò-mùn ke chṳ̂m-ngièn, he Yù-thai-vòng Hî-sî-kâ kiûng-thìn ke ngìn só-chhâu ke.

² Chiông sṳ-chhìn khong-hí-lòi he Song-ti ke yùng-yeu; chiông sṳ-chhìn chhà chhîn-chhú he kiûn-vòng ke kông-yùng.

³ Kiûn-vòng ke sîm chhin-nàn liáu-kié; chhiong thiên án-kô, chhiong thi án-phûn.

⁴ Siên chhù-hi ngiùn-è ke chha̍p-chṳt, ngiùn-siong chang-nèn tá-cho tûng-sî;

⁵ siên chhù-hi kiûn-vòng mien-chhièn ke kiên-sṳ̀n, chṳn-fú chang nèn khî chhai chṳn-ngi táng-kô.

⁶ Ngì m̀-hó chhai vòng mien-chhièn tién sâ-phi, m̀-hó chhai thai-kôn ke vi-é khî-tén.

⁷ Tén ngìn lòi tui ngì kóng: “Chhiáng chhô song vàng-thèu”, yàng-ko ngìn lòi-hêm ngì ngiong-vi pûn thai ngìn-vu̍t.

⁸ M̀-hó sùi-phien chhut-thìn cho-chṳn; na yû phe̍t-ngìn chṳ́-chhut ngì ke chṳn-ngièn chho-ngu, sṳ́ ngì kien-seu, ngì oi ngióng-pân chang hó nè?

⁹ Ngì lâu lìn-sa fat-sên chên-chṳp, chui-hó sṳ̂-ha fò-kié; m̀-hó siet-leu phe̍t-ngìn ke pi-me̍t,

¹⁰ miên-tet thâng-tó ke ngìn chhiu vú-yu̍k ngì, ngì ke chhu-miàng chhiu mò fap-thu chhù-thet.

¹¹ Yit-ki fa kóng-to tông hó-se, chhiu-chhiong kîm phìn-kó piong chhai ngiùn-phàn tú.

¹² Chṳ-fi ngìn ke khien-va tui thâng-chhiùng ke ngìn lòi-kóng, pí kîm ngí-vàn lâu sùn-kîm ke chông-sṳt-phín kha-yû ka-chhṳ̍t.

¹³ Chûng-sṳ̀n ke sṳ́-chá pûn chhâi-phai kì ke ngìn sîm-sṳ̀n sóng-khoai, chhiu-chhiong ngie̍t-thiên kot-vò sṳ̀-chiet ke liòng-súi yit-yong.

¹⁴ Khoâ-khiéu oi sung-lî, mò sṳ̍t-hàng ke, chhiu-chhiong yû-fûng yû-yùn, mò lo̍k-yí.

¹⁵ Nai-sîm ke khien-va voi sot-fu̍k chóng-khièn ke ngìn; vûn-yù nèn yàng-ko kông-khiòng.

¹⁶ Chhìm-tó phûng-thòng sṳ̍t-la chhiu hó; sṳ̍t thet-tô ngì chhiu voi éu-thet.

¹⁷ M̀-hó sòng-sòng ko-kâ chhìm lìn-sa, lò-káu kì thet-tô kì voi nâu ngì.

¹⁸ Cho ká kien-chṳn ham-hoi lìn-sa, chhiu-chhiong kun-é, tô-kiam lâu li-chien voi hoi-sí ngìn.

¹⁹ Fam-nan ke sṳ̀, thèu-kho mò chûng-sṳ̀n ke ngìn, chhiu-chhiong chu-ngà ngâu tûng-sî, pâi-kiok hàng-lu.

²⁰ Tui sông-sîm ke ngìn chhong-kô, chhiu-chhiong lâng-thiên thot kiâ sâm, yu-chhiong chhai sông-héu ve-yàm.

²¹ Ngì ke thi̍t-ngìn na-he tú-kî, oi nâ-fan pûn kì sṳ̍t, na-he choi-châu, oi nâ-súi pûn kì lîm;

²² ngì án-ngiòng hàng voi sṳ́ kì kien-seu to mò-kat mò-sat; Song-chú ya voi chióng-sóng ngì.

²³ Sô-súng sṳ-fî ngiâ-hí nu-hi, chhiu-chhiong pet-fûng tai-lòi thai-yí.

²⁴ Kâm-ngien tân-thu̍k chhai vuk-táng ke yit-kok, mò-oi lâu phat-fu khiung-ha he̍t thai-vuk.

²⁵ Thâng-tó yén-fông lòi ke hó sêu-sit, chhiu-chhiong choi-châu ke sṳ̀ sṳ̍t liòng-súi.

²⁶ Ngi-ngìn chhai sià-ok ngìn mien-chhièn tâi-thèu ngiong-phu, chhiong luk-vùn ke chhièn-súi, met ô-chô ke chiáng-súi.

²⁷ Sṳ̍t thet-tô phûng-thòng m̀-hó; tién fûng-sṳ̀n ya he yû-hoi.

²⁸ M̀ hiáu-tet chiet-chṳ ke ngìn, chhiong chhak-thet vì-chhiòng ke sàng.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan