Bìoball air-loidhne

Chṳ̂m-ngièn 22 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Hó miàng-sâng yàng-ko kâ-ngia̍p thai; su chûn-chhung khiòng-ko kîm-ngiùn tô.

² Hó-ngiak ngìn lâu khiùng-khú ngìn khiung-yong, lióng-chúng ngìn chhiòn-he Song-chú chho ke.

³ Chîn-mìn ke ngìn khon-tó ngùi-hiám chhiu sám-khôi; ngong-chhṳ̍t ke ngìn chhṳ̍t-thèu chhṳ̍t-lu su châi-hoi.

⁴ Chhùn-sîm khiâm-pî, kin-vi Song-chú, chhiu voi fu-chiuk, kông-yùng, chhòng-su.

⁵ Kiên-cha ngìn ke lu chhûng-mân net-è lâu lò-mióng; sióng pó-sú chhṳ-kâ sâng-miang ke chhiu oi yén-lì.

⁶ Kau-yông hiun-lien se-ngìn-è hàng chṳn-lu, chhiùng-se to-ló chhiu m̀-voi phiên-chhâ.

⁷ Khiùng-khú ngìn pûn hó-ngiak ngìn kón-hot; khiam-chai ke he chai-chú ke nù-chhòi.

⁸ Ve put-ngi ke chúng-chṳ́, thin-chho̍k sû châi-fo; kì khî-ap ke sṳ-li̍t, chó-man voi sṳt-háu.

⁹ Không-khói kiu-chi ngìn ke pit-thin tet chuk-fuk; yîn-vi kì chiông sṳ̍t-vu̍t pûn-pûn khiùng-khú ngìn.

¹⁰ Chiông ngau-man ngìn kiuk-chéu chhiu voi sêu-chhù kiu-fun; chên-chhàu lâu siû-yu̍k ke sṳ-chhìn ya voi so̍t-thet.

¹¹ Sîm-tú sùn-kiet kóng-fa vûn-yù ke ngìn, kiûn-vòng yit-thin voi lâu kì cho phèn-yû.

¹² Song-chú ke muk-chû khon-ku chṳ̂n-lî; Kì thûi-fân kiên-cha ngìn ke ngièn-lun.

¹³ Lân-sṳ̂ ngìn kóng: “No-poi yû sṳ̂-é! Ngài hi kiê-hong voi pûn kì sṳ̍t-thet!”

¹⁴ Yìm-lon fu-ńg ke choi-mâ chhiong ham-chiáng; Song-chú só-nâu ke ngìn voi tiet lo̍k-hi.

¹⁵ Ngì-ngong chhàn-tén se-ngìn-è ke sîm; yung chuk-siû-é kón-kau chang kié tet-khôi.

¹⁶ Pok-siok khiùng-khú ngìn lòi fat-chhòi ke, lâu sung-lî pâ-kiet hó-ngiak ngìn ke, to-mî pit-thin voi liáu-to chhiang-chhiang.

Chṳ-fi ke Fa Sâm-sṳ̍p Thiàu

¹⁷ Ngì oi ngin-chṳ̂n thâng chṳ-fi ngìn ke fa, chôn-sîm liâng-su ngài só-chhòn ke chṳ-sṳt.

¹⁸ Ngì na ki chhai sîm-tú, sùi-sṳ̀ kóng-chhut yín-yung, liá chhiu-he chhin fôn-hí ke sṳ.

¹⁹ Ngài kîm-pû-ngit chiông liá-têu fa thi̍t-phe̍t chṳ́-kau ngì, hó-pûn ngì chhiòn-sîm yí-kho Song-chú.

²⁰ Ngài vi ngì siá-hâ sâm-sṳ̍p thiàu, khien-va lâu chṳ-sṳt ke chṳ̂m-ngièn,

²¹ yung án-ngiòng lòi pûn ngì tî má-ke he chṳ̂n-sṳ̍t khó-kho ke fa, hó-pûn ngì yung sin-sṳ̍t ke fa fì-fu̍k phai ngì chhut-lòi ke ngìn.

(1)

²² Khiùng-khú ngìn mò nèn-li̍t pó-fu kì chhṳ-kâ, ngì cho-m̀-tet kho-se chhiu chhióng kiâ tûng-sî; ya m̀-hó chhai fap-yen ap-pet khun-khú ngìn.

²³ Song-chú oi vi kì-têu lòi sṳ̂n-yên; na-yû má-ngìn hoi kì-têu ke miang, Song-chú oi sû ke-têu ngìn ke miang.

(2)

²⁴ M̀-hó lâu hau fat-khién ke ngìn cho phèn-yû, ya m̀-hó lâu sin-thí lie̍t ke ngìn lòi-vông,

²⁵ miên-tet ngì chhe-tó kì ke fái si̍p-koan, chhiu tiet-lo̍k lò-mióng lòi hoi-sí chhṳ-kâ.

(3)

²⁶ M̀-hó sùi-phien sṳ̀n-tâm chit-ngim vi-ngìn tâm-pó; ya m̀-hó vi phe̍t-ngìn ke chai-vu cho tâm-pó-ngìn.

²⁷ To-sṳ̀ ngì na-he mò-chhièn hó vàn-ngìn, lièn ngì ke mìn-chhòng ya voi pûn-ngìn kông-chéu!

(4)

²⁸ Chú-siên só-thin ke ló thi-kie, ngì cho-m̀-tet chiông kì sái-chéu.

(5)

²⁹ Ngì khon-ko cho-sṳ chîn-mìn ke ngìn mò? Kì voi khî chhai kiûn-vòng mien-chhièn fu̍k-sṳ, m̀-he fu̍k-sṳ phû-phû thûng-thûng ke ngìn.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan