Chṳ̂m-ngièn 21 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Song-chú sùi-yi chṳ́-fî kiûn-vòng ke sîm, chhiu chhiong Kì chón-pien hò-liù ke fông-hiong.

² Ngìn khon chhṳ-kâ só-hàng ke lûng-chúng chho̍k, chúng-he Song-chú chhà-ngiam kì ke thung-kî.

³ Hàng yìn-ngi lâu kûng-phìn, pí hien-chi kien-mùng Song-chú chiap-na̍p.

⁴ Méu-sṳ ke muk-chû, kiêu-ngau ke sîm, fái-ngìn só kâng-chung ke, chhiòn he chhui.

⁵ Sat-mâng kie-va̍k ke, yit-thin voi hó-ngiak; hàng-sṳ kip-sin ke, pit chṳ-to khiùng-khú.

⁶ Cha-khî phien-lòi ke chhòi-pó, chhiu chhiong phêu-san ke yùn-yên, yu chhiong sí-mòng ke lò-mióng.

⁷ Sià-ok ngìn ke khiòng-phau hàng-vì chiông chhṳ-kâ thô-lui to-sí, yîn-vi kì-têu m̀-hén cheu kûng-phìn hàng-sṳ.

⁸ Fam-chhui ke ngìn, lu he vân-khiuk; sùn-kiet ke ngìn, hàng-vì chṳn-chhṳ̍t.

⁹ Kâm-ngien tân-thu̍k chhai vuk-táng ke yit-kok, mò-oi lâu phat-fu khiung-ha he̍t thai-vuk.

¹⁰ Sià-ok ngìn kín-sióng cho fái-sṳ; tui lìn-sa mò lìn-mén ke sîm.

¹¹ Ngau-man ngìn su-tó chit-fa̍t, ngong-chhṳ̍t ngìn chhiu tet chṳ-fi; chṳ-fi ngìn tet-tó kau-yuk, kì chhiu voi chen-kâ chṳ-sṳt.

¹² Kûng-ngi-chá kam-chhat fái-ngìn ke kâ; kì oi sṳ́ sià-ok ke ngìn me̍t-mòng.

¹³ Ngí-kûng set-tén m̀-thâng khiùng-khú ngìn ôi-khiù ke, kì chiông-lòi khiù pông-chhu ya mò-ngìn oi tap kì.

¹⁴ Am-chûng sung lî-vu̍t nèn phìn-sit fun-nu; thiap heu-sú ya khó-yî ap-chṳ lie̍t-nu.

¹⁵ Sṳ̍t-hàng kûng-ngi, ngi-ngìn fôn-hí, chok-ok ke ngìn, kiâng-to voi-sí.

¹⁶ Ngìn na lì-khôi mìn-lî ke lu, voi hi thùng yîm-fùn khiung-ha chhu.

¹⁷ Fôn-hí yen-lo̍k, pit-chṳ phìn-khiùng; thâm-sṳ̍t chiú-ngiuk, put-nèn fu-chiuk.

¹⁸ Sià-ok ngìn sióng-oi ham-hoi chṳn-chhṳ̍t ngìn, châi-fo fán-chón lìm-to chhṳ-kâ sṳ̂n-hong.

¹⁹ Kâm-ngien he̍t chhai phiên-phit mò-ngìn tai ke khóng-yâ, mò-oi lâu hau yên-kâ ke phat-fu khiung-ha he̍t.

²⁰ Chṳ-fi ngìn vuk-hâ chit-chhùn pó-vu̍t lâu yù; ngong-tong ngìn yit-ha tet-tó chhiu yung chhiang-chhiang.

²¹ Chhin-sîm chhin-yi oi hàng kûng-ngi lâu yìn-chhṳ̀, chhiu voi tet-tó chhòng-su kûng-ngi lâu chûn-yùng.

²² Kho chṳ-fi chang nèn cham-liâng yúng-sṳ chóng ke sàng, chiông kì-têu só yí-kho ke sàng-pó chhióng ko-lòi.

²³ Ngìn nèn kiún-sṳ́m kì só-kóng ke fa, voi pó-sú chhṳ-kâ miên-su châi-nan.

²⁴ Kiêu-ngau yu sâu-nat ngìn ke, ôn-to “Ngau-man ngìn”; kì hàng-sṳ cho-ngìn, sṳ̀-sòng ko-thèu kiêu-ngau.

²⁵ Lân-sṳ̂ ngìn ke nong-sióng voi hoi-sí kì, yîn-vi kì ke sú m̀ ngien-yi cho-kûng;

²⁶ kì kûi-ngit thâm-sîm to mò han-thu; chúng-he ngi-ngìn sṳ̂-sá, mò ngat-chhat.

²⁷ Song-chú chhin-hen fái-ngìn ke hien-chi; hò-khóng kì chhùn fái-yi lòi-hien nè!

²⁸ Cho ká kien-chṳn ke ngìn, kì yit-thin voi thai sṳt-phai; chhîn-ngí thâng sṳ̍t-fa ke, kì ke kien-chṳn voi sṳ̀n-kûng.

²⁹ Sià-ok ngìn cha-yi yû tám-liong; chṳn-chhṳ̍t ngìn hàng-sṳ yû kháu-li.

³⁰ Ngìn ke chṳ-fi, chhûng-mìn, mèu-lio̍k, lûng-chúng mò fap-thu lâu Song-chú tui-khong.

³¹ Ngìn vi-tó siông-chhṳ̀ ke-ngit chêu-pîn mâi-mâ, chúng-he sû-yàng chhiòn yù Song-chú lòi kiet-thin.

Lean sinn:

Ceanglaichean taic

Sanasan