Bìoball air-loidhne

Chṳ̂m-ngièn 20 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Thâm-chiú hoi-ngìn ngau-man, ngiàm-chiú hoi-ngìn fù-nau; hau chiú hàng-chhâ lu ke ngìn, sṳ̍t-chhai mò chṳ-fi.

² Vòng ke fat-khién chhiong sṳ̂-é thai-sâng sê; ngiâ vòng su-hi sóng-sṳt chhṳ-kâ sâng-miang.

³ Ngìn nèn phit-miên fûn-chên chhiu-he kông-yùng; ngong-ngìn chhiòn-phu chhin-hau ngiâ-ngìn yên-kâ.

⁴ Lân-sṳ̂ ke kâng-chung ngìn mò cheu chiet-hi; sû-sṳ̀n ke sṳ̀ kì chhiu yit-vù só-tet.

⁵ Ngìn ke sîm-sṳ̂ chhiong chhṳ̂m-chiáng tú ke súi, chhûng-mìn ngìn chang tî ngióng-pân tá chhut-lòi.

⁶ Chhin-tô ngìn chhṳ-khoâ cho-ngìn chûng-sṳ̀n, chúng-he má-ngìn chhìm tet-tó chṳn-kîn sin-sṳ̍t ke ngìn nè?

⁷ Chṳn-chhṳ̍t ke ngìn hàng-sṳ vàn-chhiòn sùn-chṳn, kì ke chṳ́-sûn he ngióng-pân yû fuk-hi!

⁸ Kiûn-vòng chhô chhai sṳ́m-phan-thòi táng-kô, kiâ muk-chû kam-chhat yit-chhiet sià-ok.

⁹ Má-ngìn kám kóng: “Ngài yí-kîn sé-chhiang ngài ke sîm, ngài he sùn-kiet mò-chhui ke”?

¹⁰ Yung lióng-chúng chhṳn-é, lióng-yong sṳ̂n-téu lòi phien-ngìn, liá he Song-chú chhin-nâu ke.

¹¹ Se-ngìn-è ke phín-hen he sùn-kiet he chṳn-chhṳ̍t, tui kì ke hàng-vì me khó-yî khon tet-chhut lòi.

¹² Voi thâng ke ngí-kûng, voi khon ke muk-chû, lióng-yong tû he Song-chú só chhóng-chho ke.

¹³ M̀-hó thâm-soi, chang m̀-voi pien khiùng-khú; sat-mâng cho-se, chhiu voi tet-tó páu-chiuk.

¹⁴ Mâi-fo hiàm-fo: “M̀-hó! M̀-hó!” Mâi-chón chhiu kóng: “Chhin-hó! Chhin-hó!”

¹⁵ Vòng-kîm van-liông, chû-pó mân-siông, m̀-tong yit-ki chṳ-fi liòng-ngièn.

¹⁶ Má-ngìn vi sâng-fun ngìn tâm-pó, ngì chhiu oi nâ kì ke ngoi-sâm cho tí-ap; má-ngìn vi ngoi-chhu̍k ngìn tâm-pó, ngì chhiu oi ham kì sṳ̀n-tâm yit-chhiet heu-kó.

¹⁷ Phien-lòi ke sṳ̍t-vu̍t thi̍t-phe̍t hó-sṳ̍t; ko-heu chhiu kám-kok mân-choi sâ-sa̍k.

¹⁸ Yû kie-va̍k ke sṳ yit-thin sṳ̀n-kûng; mò chhet-lio̍k ke chan-chên m̀-hó tá.

¹⁹ Tô-kóng hàn-fa, nàn-sú pi-me̍t; tô-choi phèn-yû, m̀-hó kiet-kâu.

²⁰ Chu-ma yà-ôi ke ngìn, kì ke sâng-miang voi chhiong tên-fó chhai vû-am chûng vû-thet.

²¹ Thet-chó ki-sṳ̀n chú-kûng-ngia̍p, chui-mî tui kì m̀-he fuk.

²² Ngì m̀-hó kóng: “Ngài oi po-sù!” Ngì oi tén-heu Song-chú, Kì voi vi ngì sṳ̂n-yên.

²³ Mò-chún ke chhṳn-thò, Song-chú chhin-nâu; kúi-cha ke chhṳn-é, sṳ̍p-fûn m̀-hó.

²⁴ Ngìn ke kiok-phu he Song-chú só ôn-phài ke; má-ngìn nèn tî kì ngìn-sên ke tho-lu nè?

²⁵ Hiong Song-ti hí-ngien chhièn oi sâm-sṳ̂, miên-tet heu-lòi voi ham-ngi̍p lò-mióng.

²⁶ Chṳ-fi ke vòng poi-chhut fái-ngìn, chhiu yung lu̍k-chhu̍k lòi-chan kì-têu.

²⁷ Song-chú ke tên kam-chhat ngìn ke sîm, chhà-mìn sîm-tái yit-chhiet ke ngiam-thèu.

²⁸ Yìn-chhṳ̀ lâu sin-sṳ̍t he kiûn-vòng ke pó-chông; kì ya yung yìn-chhṳ̀ vún-ku kì ke chṳn-khièn.

²⁹ Sṳ̂n-khiòng li̍t-chong he heu-sâng-ngìn ke yùng-yeu; pha̍k thèu-nà-mô he ló-ngìn-kâ ke chûn-yùng.

³⁰ Ngiàm-hìn chhù-thet ngìn ke chhui-ok; piên-tá sé-chhiang ngìn ke nui-sîm.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan