Chṳ̂m-ngièn 2 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Chṳ-fi ke Kiet-kó

¹ Lai-é â, ngì oi chiap-su ngài ke fa, oi chiông ngài ke min-lin ki chhai sîm-tú.

² Oi chet-ngí lòi thâng chṳ-fi, oi chôn-sîm lòi khiù chhûng-mìn.

³ Oi thai-sâng chûi-khiù kien-sṳt, oi chhut-sâng chhìm-khiù chhûng-mìn.

⁴ Oi chhiong chhìm kîm-ngiùn án ngie̍t-sîm, oi chhiong chhìm khong-tén ke chhòi-pó án ngin-chṳ̂n.

⁵ Án-ngiòng, ngì chhiu voi hiáu-tet kin-vi Song-chú, liáu-kié oi ngióng-pân ngin-sṳt Song-ti.

⁶ Yîn-vi sóng-su chṳ-fi ke chhiu-he Song-chú, chṳ-sṳt lâu chhûng-mìn lûng he tui Kì lòi ke.

⁷ Kì vi chṳn-chhṳ̍t ke ngìn chhùn-liù chṳ̂n chṳ-fi, Kì cho hàng-vì sùn-chṳn ke ngìn ke tún-phài.

⁸ Kì pó-sú ngi-ngìn ke tho, pó-fu khièn-sṳ̀n ngìn ke lu.

⁹ Yèn-heu ngì chhiu voi liáu-kié kûng-ngi, kûng-phìn lâu chṳn-chhṳ̍t, tî yit-chhiet tông-hàng ke lu.

¹⁰ Chṳ-fi voi chin-ngi̍p ngì ke sîm-tú, chṳ-sṳt voi sṳ́ ngì ke lìn khoai-lo̍k.

¹¹ Kien-sṳt voi pí-yu ngì, chhûng-mìn voi pó-sú ngì,

¹² oi sṳ́ ngì thot-lì fái-ngìn ke lu, lì-khôi kóng-fa mò sṳ-fî ke ngìn;

¹³ ke-têu ngìn lì-khôi chṳn-tho, chôn-mùn hàng vû-am ke lu,

¹⁴ fôn-hí cho fái-sṳ, chok-ok lòi khoai-lo̍k;

¹⁵ kì-têu hàng vân-khiuk ke lu, sòng-sòng cho kiên-cha ke sṳ.

¹⁶ Chṳ-fi voi kiu ngì thot-lì yìm-fu, chhiu-he chhin voi yín-yu ngì, choi-thiàm sa̍t-va̍t ke fu-ńg.

¹⁷ Kì lì-khôi heu-sâng sṳ̀ só ka ke ló-kûng, m̀ ki-tet kì chhai Song-ti mien-chhièn só-li̍p ke fûn-yok.

¹⁸ Hi kì vuk-hâ chhiu voi chhṳ̀m-lùn to-sí; hàng kì ke lu chhiu voi tiet-lo̍k yîm-kiên.

¹⁹ Hi kì ke-vi ke ngìn mò yit-sà voi to-chón-lòi; kì-têu ya mò fap-thu chai chhìm-tó sâng-miang ke lu.

²⁰ Só-yî, ngì oi hàng hó-ngìn ke tho, oi kiún-sṳ́m chûn-hàng ngi-ngìn ke lu.

²¹ Chṳn-chhṳ̍t ke ngìn voi chhai sṳ-song ôn-kî; hàng-vì mò hó-hiàm ke ngìn voi chhai thi-song chhòng-su.

²² Chúng-he fái-ngìn voi tui sṳ-song chién-chhù; kiên-cha ke ngìn voi tui thi-song pâng-thet.

Lean sinn:

Ceanglaichean taic

Sanasan