Chṳ̂m-ngièn 19 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Hàng-vì mò hó-hiàm ke khiùng-khú ngìn, yàng-ko kóng-fa kúi-cha ke ngong-é.

² Ngie̍t-sîm mò chṳ-sṳt chhin m̀-hó; hàng-thung thet-kiak yùng-yi hàng-chho.

³ Ngìn ke ngì-ngong phai-fai kì ke chhièn-thù; kì ke sîm-kôn fán-chón mài-yen Song-chú.

⁴ Chhièn-chhòi tô phèn-yû chen-kâ; khiùng-khú ngìn phèn-yû yén-lì.

⁵ Cho ká kien-chṳn ke, voi su chit-fa̍t; hau-kóng fâ-liâu ke, nàn-thò chhui-chit.

⁶ Thi-vi kô-kui ke, tô-ngìn khiù kì ke ên-chhìn; thai-fông sṳ̂-sá ke, thai-kâ lâu kì cho phèn-yû.

⁷ Ngìn khiùng hiûng-thi me m̀-tap, phèn-yû chéu-to hàn-kha yén; kiuk-tén hi khôi-sâng chhin-hêm, kì-têu yí-kîn chéu chhiang-chhiang!

⁸ Tet-tó chṳ-fi ke, oi-siak sâng-miang; chhṳ̀-sú chhûng-mìn ke, hen-fuk vù-khiùng.

⁹ Cho ká kien-chṳn ke, voi su chit-fa̍t; hau-kóng fâ-liâu ke, chhṳ-chhí me̍t-mòng.

¹⁰ Ngong-ngìn hióng ôn-lo̍k he mò ha̍p-sṳt; nù-chhòi kón thèu-kâ kha mò sṳt-tông.

¹¹ Ngìn yû kien-sṳt, mò sùi-phien fat-khién; ngièu-sa ko-sṳt, chhṳ-kâ yû yùng-kông.

¹² Kiûn-vòng fat-khién, chhiong ho-ho-kún ke sṳ̂-é; kiûn-vòng sṳ̂-ên, chhiong chhiâng-chhó song ke kâm-lu.

¹³ Ngong-tong ke lai-é sàng-cho â-pâ ke châi-fo; chhàu-nau ke pû-ngiòng chhiong vuk-táng leu-yí kín-tit.

¹⁴ Fòng-vuk lâu chhòi-sán he chú-siên liù-hâ ke; hièn-fi ke pû-ngiòng he Song-chú só-su ke.

¹⁵ Lân-sṳ̂ ke ngìn hau soi-muk; hàn chhok-chhok ke ngo tú-sṳ́.

¹⁶ Chûn-sú Song-ti kie-min ke, voi pó-sú sâng-miang; khon-khiâng Song-chú tho-lu ke, yit-thin voi me̍t-mòng.

¹⁷ Kiu-chi khiùng-ngìn, chhiu-he chia-chhièn pûn Song-chú; kì ke hó hàng-vì, Song-chú voi po-tap kì.

¹⁸ Hàn-yû phan-mong ke sṳ̀, oi kón-kau ngì ke chṳ́-ńg; chúng-he m̀-hó thet-ngiàm, kiâng-pha hoi kì-têu yit-sên.

¹⁹ Phì-hi phau-lie̍t ke ngìn, pit-thin su hìn-fa̍t; ngì na oi kiu kì, pit-sî yit-kiu chai-kiu.

²⁰ Oi thâng-ngìn khien-va, chiap-su chṳ́-thô; ngì chui-heu voi sàng-cho chṳ-fi ngìn.

²¹ Mèu-sṳ chhai ngìn, sṳ̀n-sṳ chhai Thiên.

²² Cho-ngìn chûng-sṳ̀n he ngìn só hot-mu ke; khiùng-khú ngìn yàng-ko fâ-liâu-kú.

²³ Kin-vi Song-chú ke ngìn, hióng-su chhòng-su; kì voi yún-kiú ôn-kî, yén-lì châi-nan.

²⁴ Lân-sṳ̂ ngìn chhûn-sú nâ phàn-tú ke sṳ̍t-vu̍t, lân-to lièn kiû-sú sung lo̍k-choi me m̀-hén.

²⁵ Chit-tá ngau-man ngìn, ngong-chhṳ̍t ngìn chhiu ho̍k-tó chîn-mìn; khien-va chhûng-mìn ngìn, kì chhiu tet-tó chṳ-sṳt.

²⁶ Lai-é na khú-thu̍k yà-è, kiuk-chéu ôi-é, he tai-lòi kien-seu, siû-yu̍k ke put-hau chṳ́.

²⁷ Lai-é â, ngì na m̀ chiap-su kón-kau, chhiu voi sṳt-lo̍k chṳ-sṳt ke ngièn-ngî.

²⁸ Kiên-cha ke chṳn-ngìn khon kûng-ngi cho seu-fa; sià-ok ke ngìn chiông put-ngi sṳ̍t-to mân-choi.

²⁹ Sṳ́m-phan he vi ngau-man ngìn lòi chún-phi ke; piên-hìn he vi ngong-ngìn ke poi-nòng sat ke.

Lean sinn:

Ceanglaichean taic

Sanasan