Chṳ̂m-ngièn 18 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Kû-ló ke ngìn koân-sîm chhṳ-kâ thin-thin; phe̍t-ngìn hó ke yi-kien, kì chúng-oi fán-tui.

² Ngong-tong ngìn mò fôn-hí chṳ-sṳt; tân-tân hau tién chhṳ-kâ thin-thin.

³ Sià-ok lòi, vú-yu̍k thèn-tén lòi; kien-seu to, siû-chhṳ́ khiung-ha to.

⁴ Khiéu-chûng ke ngièn-ngî chhiong thai-hói án-chhṳ̂m; chṳ-fi ke chhièn-ngièn chhiong hâi-súi yúng-liù.

⁵ Chiúng-yùng sià-ok he put-kûng; yên-vóng vù-kû me put-ngi.

⁶ Ngong-ngìn kóng-fa yîn-hí chên-tôn; kì yit khôi-choi chhiu ngiâ-ngìn tá.

⁷ Ngong-tong ngìn ke choi phai-fai kì chhṳ-kâ; kiâ choi-sùn he kì sâng-miang ke ham-chiáng.

⁸ Poi-heu ke hàn-fa chhiong sṳ̍t phông-phai; yit lo̍k-choi chhiu thûn-to chhòng-tú hi.

⁹ Lân-sṳ̂ cho-se ke lâu ngièn-hàng phai-fai ke, he hó hiûng-thi.

¹⁰ Song-chú ke miàng he kiên-ku ke sàng-pó; ngi-ngìn chéu ngi̍p-hi chhiu tet-tó ôn-chhiòn.

¹¹ Hó-ngiak ngìn chiông kì ke chhòi-fu khon-cho sàng-pó, láu-tó he kô-thai kiên-ku ke thùng-chhiòng thiet-piak.

¹² Phai-fai siên-chhièn, ngìn-sîm kiêu-ngau; chûn-yùng yî-chhièn, pit-yû khiâm-pî.

¹³ Màng thâng chhîn-chhú, chhiu chhióng-siên fì-tap, liá he ngong-tong, voi tù-tó kien-seu.

¹⁴ Khiù sên-chhùn ke sîm-chṳ, nèn ngiûn-su phiang-thung; yi-chṳ na-he sêu-chhṳ̀m, má-ngìn ngai tet-ko?

¹⁵ Chhûng-mìn ngìn ke sîm oi tet chṳ-sṳt; chṳ-fi ngìn ke ngí-kûng khiù chṳ-sṳt.

¹⁶ Ngìn ke lî-vu̍t vi kì khôi-lu, thu kì to thai ngìn-vu̍t mien-chhièn.

¹⁷ Siên ko-chhong ke, khon-chhiong yû-lî; tui-fông lòi-to, chhà-chhut sṳ-fî.

¹⁸ Chhû-chhiâm khó-yî phìn-sit yên-kâ, ya nèn kié-khôi lióng-khiòng chhàn-teu.

¹⁹ Hiûng-thi kiet yên-sù, tông-chhiong kiên-ku ke sàng-chhiòng chhin-nàn pho; án-ngiòng ke chên-chhàu, chhiong sàng-pó chhôn-tén ke mùn chhin-nàn thûng.

²⁰ Ngìn kóng-fa só tai-lòi ke kiet-kó, thai-thai yáng-hióng kì ke yit-sên; ngìn ke fa só sán-sên ke kó-háu, voi sṳ́ kì sṳ̍t-to páu-páu.

²¹ Fe̍t-sâng fe̍t-sí, chhai sa̍t-mà ke khièn-ha; hau kóng-fa ke, heu-kó chhṳ-kâ sṳ̀n-su.

²² Thó-tó hó pû-ngiòng sṳ̍p-fûn hen-fuk, ya he tet-tó Song-chú ke ên-fi.

²³ Phìn-khiùng ngìn ke khién-khiù, tâi-sâng hâ-hi; yû-chhièn ngìn ke fì-tap, sṳ̍p-fûn lû-fû.

²⁴ Chiú-ngiuk phèn-yû, chhìn-pho̍k ko-chṳ́; tî-kí phèn-yû, yàng-ko hiûng-thi.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan