Bìoball air-loidhne

Chṳ̂m-ngièn 17 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Yû yit-héu fan hó-sṳ̍t, chhiòn-kâ phìn-ôn, yàng-ko mân-chok phông-phai, siông-châng pi-poi.

² Chîn-mìn ke phu̍k-ngìn voi kón chú-ngìn mò chhiong-yong ke chṳ́, hàn yû-hó chhai kì-têu ke hiûng-thi chûng pûn-tó kâ-ngia̍p.

³ Kîm-ngiùn su lù-fó thon-lien; ngìn-sîm pûn Song-chú kháu-ngiam.

⁴ Cho-fái ke thâng-chhiùng kiên-cha ke fa; fâ-liâu-kú hau-thâng hoi-ngìn ke fa.

⁵ Sâu-nat khiùng-khú ngìn ke, he vú-yu̍k chho kì ke Chú; chhṳ́-seu phe̍t-ngìn su-khú ke, nàn-miên oi su chit-fa̍t.

⁶ Chṳ́-sûn he ló-ngìn-kâ ke miên-liù; yà-ôi he se-ngìn-è ke kông-yùng.

⁷ Ngong-tong ngìn kóng vùn-ngá ke fa mò ha̍p-nì; kô-kui ngìn kóng fâ-liâu hàn-kha mò ha̍p-sṳt.

⁸ Put-ngi ke fùng-pâu, sung ke ngìn khon-cho van-nèn; kì láu-tó yit-chhiet kie-mèu ke lûng-chúng voi thûng.

⁹ Sa-miên ko-chho, chhiuk-chin yû-oi; ki-ngiam khiu-hen, pho-fai yû-chhìn.

¹⁰ Tui mìn-lî ke ngìn kóng yit-ki chit-phi ke fa, pí tá ngong-tong ngìn yit-pak ha hàn-kha yû-háu.

¹¹ Sià-ok ke ngìn chṳ́-yû chhùn-sîm phoi-ngia̍k; ngiàm-li ke sṳ́-chá voi lòi tui-fu kì.

¹² Nèn-khó tù-tó sṳt-thet yùng-chṳ́ ke yùng-mà, m̀-oi tù-tó fù-cho lon-lòi ke ngong-ngìn.

¹³ Yî-ok po-san ke ngìn, kâ-thìn put-lì châi-fo.

¹⁴ Siông-châng yit khôi-sṳ́ chhiu-chhiong thai-súi chhôn-pok; só-yî siông-chhàu màng pau-fat chhièn oi thìn-chṳ́.

¹⁵ Phan ok-ngìn vì-ngi, thin ngi-ngìn vì-ok, liá lióng-hong tû he Song-chú só-nâu ke.

¹⁶ Ngong-tong ngìn nâ-chhièn mâi chṳ-fi kám yû-yung? Kì kîn-pún mò-sîm lòi ho̍k-si̍p!

¹⁷ Phèn-yû sṳ̀-sòng pí-chhṳ́ siông-siak; hiûng-thi chhut-se fûn-tâm khú-nan.

¹⁸ Chṳ́-yû mò sòng-sṳt ke ngìn, chang voi lâu lìn-sa tâm-pó.

¹⁹ Hau fam-chhui ke ngìn fôn-hí fûn-chên; tién fûng-sṳ̀n ke ngìn ngiâ-lòi châi-fo.

²⁰ Sîm-su̍t mò-chang ke, chhìm m̀-tó hen-fuk; kóng-fa kiên-cha ke, sòng tù-tó châi-nan.

²¹ Kiung ngong-tong ke lai-é, hoi â-mê yù-sông; phoi-ngia̍k ke lai-é, hoi â-pâ mò fôn-hí.

²² Fôn-hí ke sîm he yit-thiap liòng-yo̍k; yù-sèu ke lìn hoi kut-thèu châu-thet.

²³ Fái-ngìn am-chûng pûn-ngìn sû-mâi, hoi chṳn-ngi mò fap-thu sṳ̂n-chông.

²⁴ Chhûng-mìn ngìn mien-hiong chṳ-fi; ngong-tong ngìn ngo-thèu nong-sióng.

²⁵ Ngong-tong ke lai-é hoi â-pâ yù-sèu, me hoi â-mê thung-khú.

²⁶ Hìn-fa̍t mò-chhui ke ngìn he m̀-chho̍k ke; piên-tá chṳn-chhṳ̍t ke liâng-chhiu me m̀-chho̍k.

²⁷ Mìn-lî ngìn kóng-fa se-ngi; chhûng-mìn ngìn thèu-nó lâng-chhin.

²⁸ Hâm-chhê ke ngìn na mò kóng-fa, ya son yû chṳ-fi; kì na-he tiâm-tiâm mo̍k khôi-choi, ya son yû chhûng-mìn.

Lean sinn:

Ceanglaichean taic

Sanasan