Chṳ̂m-ngièn 12 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Fôn-hí su kón-kau ke, chhiu-he oi-mu chṳ-sṳt; tông-nâu ngìn chit-phi ke, chhiu-he hâm-chhê ke ngìn.

² Song-chú sṳ̂-ên pûn liòng-san ke ngìn; Kì hìn-fa̍t kúi-kie tô-tôn ke ngìn.

³ Ngìn yí-kho ok-hàng mò-fap khî-vún; ngi-ngìn ke kîn-kî m̀-voi yèu-thung.

⁴ Hièn-fi ke pû-ngiòng he kiâ ló-kûng thèu-nà-táng ke miên-liù; m̀-tî kien-seu ke pû-ngiòng chhiong chhong-fû kut-chûng ke thu̍k-liù.

⁵ Chṳn-chhṳ̍t ngìn ke kie-va̍k kûng-chṳn; sià-ok ngìn ke kie-mèu kiên-cha.

⁶ Sià-ok ngìn ke fa chhiong lò-mióng voi hoi ngìn; chṳn-chhṳ̍t ngìn só-kóng ke fa voi chṳ́n-kiu ngìn.

⁷ Sià-ok ngìn yit vang, vang-to tap-tap; chṳn-chhṳ̍t ngìn ke kâ, khî-to vún-vún.

⁸ Ngìn tet-tó chhṳ̂n-chan he yîn-vi yû chṳ-fi; sîm-su̍t sià-ok ke chhiu voi pûn-ngìn méu-sṳ.

⁹ Thi-vi sûi-yèn tâi chúng-he yû phu̍k-ngìn, yàng-ko ngang-tién phài-chhòng ngo-tén tú-sṳ́.

¹⁰ Chṳn-chhṳ̍t ngìn thí-sit thèu-sâng ke sî-yeu; sià-ok ngìn ke lìn-mén hàn-he chhàn-ngiûn.

¹¹ Sat-mâng kâng-chung ke, liòng-sṳ̍t chhûng-chiuk; chûi-khiù hî-yùng ke, chhiòn-mò sòng-sṳt.

¹² Sià-ok ngìn thâm fái-ngìn chhióng-tó ke chhièn-chhòi; chṳn-chhṳ̍t ngìn ke kîn tai-lòi hó ke kiet-kó.

¹³ Sià-ok ngìn yîn-vi kì fam-chhui ke fa tiet-lo̍k ham-chiáng; chúng-he chṳn-chhṳ̍t ngìn thin-chho̍k voi ôn-yèn thot-lì fam-nan.

¹⁴ Ngìn yîn-vi kóng-fa kiet ke kó-chṳ́ chhûng-mân fuk-hi; ngìn yîn-vi sú só-cho ke voi tet hó ke po-sóng.

¹⁵ Ngong-tong ngìn láu-tó chhṳ-kâ só-cho ke chhin-chho̍k; chúng-he chṳ-fi ngìn voi thâng phe̍t-ngìn ke khien-va.

¹⁶ Ngong-tong ngìn yùng-yi pot-at; chîn-mìn ngìn ngiûn-su vú-yu̍k.

¹⁷ Kóng sṳ̀n-sṳ̍t fa, chông-hién kûng-ngi; cho ká kien-chṳn, hién-chhut kúi-cha.

¹⁸ Lám-sám kóng-fa chhiong li-kiam chhiuk-sông ngìn; chṳ-fi ngìn ke sa̍t-mà nèn yî-chhṳ ngìn.

¹⁹ Sṳ̀n-sṳ̍t ke ngièn-ngî yún-yén su ki-ngiam; phien-ngìn ke fâ-liâu chhin-kiak chhiu mò-háu.

²⁰ Sióng cho fái-sṳ ke, sîm-chhùn kúi-cha; khien-ngìn fò-mu̍k ke, chhûng-mân hí-lo̍k.

²¹ Chṳn-chhṳ̍t ngìn m̀-voi yû châi-hoi; sià-ok ngìn yit-chhṳ̍t yû fo-fam.

²² Kóng fâ-liâu ke choi-sùn, Song-chú chhin-nâu; hàng-vì sṳ̀n-sṳ̍t ke, he Chú só fôn-hí.

²³ Chhûng-mìn ngìn mò tién chhṳ-kâ chṳ-sṳt; ngong-tong ngìn siên-chhòn kì ke hâm-chhê.

²⁴ Sat-mâng ngìn ke sú voi chóng-khièn; lân-sṳ̂ ngìn voi pien-cho khú-li̍t.

²⁵ Ngìn-sîm yù-li, chhiong khâi chhûng-tâm; yit-ki hó-fa, sṳ́ ngìn fôn-lo̍k.

²⁶ Chṳn-chhṳ̍t ngìn vi lìn-sa tai-lu; sià-ok ngìn hoi kì ngi̍p mì-thù.

²⁷ Lân-sṳ̂ ngìn mò mí chú; sat-mâng ngìn voi fu-chiuk.

²⁸ Chṳn-ngi ke lu tai-lòi sâng-miang; liá-thiàu lu-song pin-mò sí-mòng.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan