Bìoball air-loidhne

Chhòn-tho Sû 9 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Ngài yit-chhṳ̍t ngiên-kiu liá yit-chhiet, khon-chhut ngi-ngìn lâu chṳ-fi ngìn pin kì-têu ke hàng-vì chhiòn-phu chhai Song-ti ke sú-chûng; to-tái he oi-siak ya-he yen-hen, me mò-ngìn tî.

² Só-yû ke sṳ chhiòn-phu he khûng-hî, yîn-vi tak-sà yû khiung-yong ke miang-yun: Mò-lun he ngi-ngìn ya-he put-ngi ke ngìn, hó-ngìn ya-he fái-ngìn, khièn-sṳ̀n ke ya-he mò khièn-sṳ̀n ke, hien-chi ke ya-he mò hien-chi ke, chhiòn-phu khiung-yong. Hó-ngìn só tù-tó ke mò yit-thin pí chhui-ngìn hó; fat-sṳ ke mò yit-thin pí kiâng fat-sṳ ke kha-hó.

³ Tak-sà ke miang-yun khiung-yong; liá ya he ngit-thèu hâ só fat-sên yit-khien mò kûng-tong ke sṳ. Ngìn hàn-sâng ke sṳ̀, sîm-tú chhûng-mân sià-ok lâu tiên-khòng, to-mî chhiòn-phu sí-thet.

⁴ Mò-lun má-ngìn, hàn-sâng ke chṳ-séu hàn-yû hî-mong; hàn-sâng ke kiéu-è pí sí-thet ke sṳ̂-é kha-hó.

⁵ Hàn-sâng ke ngìn tî kì-têu voi sí; sí-thet ke ngìn má-ke tû m̀-tî. Kì-têu m̀-voi chai tet-tó chióng-sóng; kì-têu ke miàng mò-ngìn voi ki-tet.

⁶ Kì-têu ke oi-siak, yen-hen, hàn-yû chhit-tu, lûng-chúng lâu kì-têu khiung-ha sêu-sṳt. Chhai ngit-thèu hâ só fat-sên ke sṳ, kì-têu yún-yén mò-fun lé.

⁷ Hi â, fôn-fôn hí-hí hi sṳ̍t-fan, khoai-khoai lo̍k-lo̍k hi lîm-chiú; yîn-vi Song-ti yí-kîn fôn-hí chiap-na̍p ngì ke kûng-chok.

⁸ Oi chok pha̍k-chhiang ke sâm-fu, thèu-nà oi sòng-sòng kò-yù.

⁹ Chhin ngì yit-sên khûng-hî ke ngit-è, chhiu-he Song-ti su-pûn ngì chhai ngit-thèu hâ ke ngit-è, lâu ngì só-siak ke pû-ngiòng hióng-su ngìn-sên ke khoai-lo̍k, yîn-vi liá he ngì chhai ngit-thèu hâ lò-luk só yin-kôi tet ke fuk-fun.

¹⁰ Ngì mò-lun cho má-ke sṳ, oi sat-mâng cho; yîn-vi ngì só oi hi ke yîm-kiên mò kûng-chok, mò kie-va̍k, mò chṳ-sṳt, ya mò chṳ-fi.

¹¹ Ngài yu fat-hien yit-khien sṳ: Chhai ngit-thèu hâ, chhin voi chéu ke ngìn mò yit-thin tet-chióng, yúng-sṳ mò yit-thin tá-yàng, chṳ-fi ngìn mò yit-thin yû fan sṳ̍t, chîn-mìn ngìn mò yit-thin hó-ngiak, yû ho̍k-mun ke ngìn mò yit-thin chhô thai-vi. Sṳ̀-kî lâu yun-hi kiet-thin yit-chhiet.

¹² Mò-ngìn tî chhṳ-kâ ke sṳ̀-kî lâu yun-hi. Chhiu-chhiong ǹg-è pûn ǹg-mióng mióng-tó, tiâu-é pûn mióng-è chok-tó, chhiòn-mò sióng-tó ke sṳ̀, fái-yun fut-yèn lìm-thèu.

Chṳ-fi Yàng-ko Ngong-tong

¹³ Ngài yu khon-tó ngit-thèu hâ yit-khien yû-koân chṳ-fi ke sṳ, kám-kok tông yû yi-sṳ.

¹⁴ Yû yit-chho mò kí-tô ngìn he̍t ke se-sàng, yû yit-ke khiòng-koet ke vòng lòi kûng-kit; kì pâu-vì ke-sàng, hí kô-kô ke thú-tôi lòi kûng-tá, chún-phi pho-sàng.

¹⁵ Sàng-tú yû yit-ke ngìn tông-khú, chúng-he tông-yû chṳ-fi, kì yung chṳ-fi kié-kiu ke-sàng. Chúng-he, mò-ngìn ki-ngiam kì.

¹⁶ Ngài sòng-sòng kóng, chṳ-fi yàng-ko vú-li̍t, chúng-he khiùng-ngìn ke chṳ-fi su méu-sṳ, kì ke fa mò-ngìn oi thâng.

¹⁷ Khì-sṳ̍t, thâng chṳ-fi ngìn se-sâng kóng kí-ki fa, yàng-ko thâng ngong-tong ke thúng-chhṳ-chá thai-sâng hêm.

¹⁸ Chṳ-fi voi pí vú-hi yû kien-thai ke sṳ̀n-chhiu; chúng-he yit-ke chhui-ngìn voi pho-fái chhin-tô hó-sṳ.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan