Bìoball air-loidhne

Chhòn-tho Sû 6 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Ngài fat-hien chhai ngit-thèu hâ yû yit-hong pî-chhám ke sṳ chhûng-chhûng chak chhai ngìn sṳ̂n-song.

² Song-ti su-pûn mêu-ngìn chhièn-chhòi, sán-ngia̍p lâu hó miàng-sâng, kì sióng-oi ke mò-khiam yit-hong, chúng-he Song-ti mò pûn kì hióng-su, fán-chón pûn sâng-fun-ngìn hióng-su. Liá he khûng-hî, ya he tông pî-chhám ke sṳ.

³ Na-he yû-ngìn kiung yit-pak ke chṳ́-ńg, chhai-sṳ chhòng-su, chúng-he mò hióng-su tó má-ke fuk-fun, sí-heu yu mò tet-tó ôn-chong; ngài sióng, ke lau-thôi ke ô-nga-é hàn pí kì kha-yàng.

⁴ Lau-thôi ke ô-nga-é hàn-màng chhut-se chhiu tiâm-tiâm-é chéu-thet, mò-ngìn ki-tet kì.

⁵ Kì mò khon-ko ngit-thèu, má-ke ya m̀-tî; chúng-he kì pí ke-ngìn kha phìn-ôn.

⁶ Ke mò hióng-su tó fuk-hi ke ngìn, chhiu-son sṳ̍t lióng-chhiên se, to-mî kám m̀-he ya oi hi khiung yit-ke só-chhai mâ?

⁷ Ngìn vi-tó khiéu-puk lò-luk, chúng-he kì ke tú-sṳ́ m̀-voi mân-chiuk.

⁸ Chhûng-mìn ngìn pí ngong-tong ngìn yû má-ke kha-yàng nè? Khiùng-ngìn chhai chung-ngìn mien-chhièn tî ngióng-pân lâu ngìn kâu-vông yû má-ke hó-chhu nè?

⁹ Muk-chû khon-tó ke pí sîm-tú nong-sióng ke kha-yàng. Liá ya he khûng-hî, he chok-fûng.

¹⁰ Só-yû chhùn-chhai ke tûng-sî chó chhiu yí-kîn ôn-miàng lé; ngài-têu tî ngìn he má-ke, kì mò fap-thu lâu pí chhṳ-kâ kha khiòng-thai ke siông-châng.

¹¹ Yîn-vi fa ye̍t-tô chhiu ye̍t khûng-hî, tui ngìn yû má-ke hó-chhu nè?

¹² Chhai liá tón-chhiam, khûng-hî, chhiu-chhiong yáng-è kîn-ko ke ngìn-sên chûng, má-ngìn tî tui kì chui yû ka-chhṳ̍t ke sṳ he má-ke nè? Kì sí-heu sṳ-kiên voi fat-sên má-ke sṳ, kám yû-ngìn nèn lâu kì kóng?

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan