Bìoball air-loidhne

Chhòn-tho Sû 5 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

M̀-hó Sùi-phien Hí-ngien

¹ Ngì to Song-ti ke sṳn-thien hi, oi kiún-sṳ́m chhṳ-kâ ke kiok-phu. Hàng-chhièn hi thâng-chhiùng Song-ti, kha yàng ke-têu mò mìn-pha̍k sṳ-fî ke ngong-é só hien ke chi.

² Ngì khôi-choi chhièn oi siên sióng yit-ha, m̀-hó sùi-phien hiong Song-ti hí-ngien. Kì chhai thiên-táng, ngì chhai thi-song, só-yî ngì m̀-sṳ́ kóng án-tô fa.

³ Sṳ-chhìn tô, mung chhiu tô; kóng tô, ngong-fa chhiu chéu chhut-lòi.

⁴ Ngì hiong Song-ti hí-ngien, oi kiak-kiak vàn-ngien; yîn-vi Kì mò fôn-hí ngong-ngìn, só-yî Ngì hí-ngien chhiu oi vàn-ngien.

⁵ Hí-ngien m̀-vàn, chhiu mo̍k hí-ngien kha-hó.

⁶ M̀-hó pûn ngì chhṳ-kâ ke fa hoi ngì fam-chhui, ya m̀-hó to Song-ti ke chi-sṳ̂ mien-chhièn kóng ngì hí m̀-chho̍k ngien lé. Cho má-ke ngiâ Song-ti fat-khién nè? Cho má-ke pûn Kì fí-fái ngì sú só-cho ke kûng-chok nè?

⁷ Pot-mung tô, kóng-fa tô, chhiòn-phu he khûng-hî; ngì chṳ́-oi kin-vi Song-ti.

Ngìn-sên ke Khûng-hî

⁸ Ngì khon-tó chṳn-fú khî-fu khiùng-khú ngìn, mò yung kûng-tho khoán-thai kì-têu, m̀ chûn-chhung kì-têu ke khièn-li, ngì m̀-sṳ́ án chho̍k-kiâng. Tak-ke kôn-yèn chhiòn-phu yû pí kì thi-vi kha-kô ke chhai pó-fu kì, kì-têu tak-sà ya oi su hàn-kha kô ke kôn-yèn ke pó-fu.

⁹ Mò-lun ngìn-mìn ya-he kiûn-vòng, chhiòn-phu oi kho thièn-thi ke chhut-sán lòi-tet li-yit.

¹⁰ Oi-chhièn ke ngìn m̀-voi mân-chiuk kì ke chhòi-fu; sióng-oi fat-chhòi ke ngìn m̀-voi mân-chiuk kì ke sû-ngi̍p. Liá ya he khûng-hî.

¹¹ Ngì ye̍t hó-ngiak, kho ngì sṳ̍t-fan ke ngìn ye̍t tô. Ngì ke chhièn-chhòi tui ngì yû má-ke li-yit nè? Pûn ngì khon thin-thin.

¹² Lò-thung ke ngìn mò-lun sṳ̍t-tô sṳ̍t-séu, hàn-he tông hó-soi; yû-chhièn ngìn ke fûng-fu tiên-to hoi kì soi m̀-lo̍k kau.

¹³ Chhai ngit-thèu hâ ngài khon-tó yit-khien pî-chhám ke sṳ: Yû ngìn chit-chhùn chhièn-chhòi, fán-chón hoi-tó chhṳ-kâ.

¹⁴ Sṳ-ngia̍p cho mò-sun, liáu-thet chhòi-fu, kiet-kó mò chhòi-sán liù-pûn chṳ́-sûn.

¹⁵ Kì chhak-sṳ̂n lu-thí chhut mû-thôi, ya oi chhak-sṳ̂n lu-thí to-chón hi. Mò-lun chhai-sṳ ngióng-pân lò-luk, má-ke tûng-sî ya tai m̀-chéu.

¹⁶ Liá ya he tông pî-chhám ke sṳ. Lòi ke sṳ̀ ngióng-pân, hi ke sṳ̀ ya ngióng-pân. Chhâu-sîm lò-khú hi chok-fûng, to-tái yû má-ke ka-chhṳ̍t nè?

¹⁷ Chúng-he, kì yit-sên-ngìn chhai vû-am, yù-sèu chûng, yû tông-tô chhâu-fàn, phiang-thung, lâu pot-at.

¹⁸ Ngài ke khon-fap he: Mî-hó ke ngìn-sên chhiu-he chhai Song-ti só-su tón-chhiam ke yit-sên chûng yû-hó sṳ̍t, yû-hó lîm, hióng-su chhai ngit-thèu hâ lò-luk tet ke sṳ̀n-kó; liá chhiu-he ngìn ke miang-yun.

¹⁹ Na-he Song-ti su-pûn ngìn chhièn-chhòi sán-ngia̍p, pûn kì hióng-su, kì chhiu yin-tông chiap-su liá-ke fuk-fun, chhai lò-luk chûng fôn-hí khoai-lo̍k. Liá he Song-ti ke ên-su.

²⁰ Ki-yèn Song-ti pûn kì án fôn-hí khoai-lo̍k, kì m̀-sṳ́ kín-sèu chhṳ-kâ yit-sên ke ngièn-ngit.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan