Bìoball air-loidhne

Chhòn-tho Sû 12 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Kón ngì hàn heu-sâng, sôi-ló ke ngit-è hàn-màng to, chhiu-he ngì kóng: “Cho-ngìn chhiòn mò sên-chhi” ke-têu ngièn-ngit màng-to yî-chhièn, oi ki-tet chhóng-chho ngì ke Chú.

² Ngit-thèu, kông-mìn, ngie̍t-kông, sên-sṳ̀n hàn-màng pien vû-am, yí heu ke yùn hàn-màng to-chón-lòi ke sṳ̀, ngì oi ki-tet Kì.

³ Ke-sṳ̀, chóng-vuk ke ngìn voi pi̍t-pi̍t-chhat, khiòng-chong ke ngìn ya voi pien kû-yêu; âi mo-sa̍k ke fu-ńg kám-séu chṳ-to thìn-kûng, tui chhûng-mùn khon chhut-hi ke voi mùng-mùng khon m̀ chhîn-chhú.

⁴ Kiê-lu ke mùn chhiòn-phu koân-tén; âi mo-sa̍k ke sâng ya-he se-â-moi-é chhong-kô ke sâng kín-lòi kín se sâng. Chúng-he vuk-yàm-tiâu yit chhut-sâng, ngìn chhiu siáng.

⁵ Ngìn m̀-kám sông kha-kô ke só-chhai, ya tông-kiâng lu-hong ke ngùi-hiám. Lâng-thiên hen-su khôi pha̍k-fâ, chhó-máng thiau m̀ thîn-thûng, ngìn mò pan-tiám sin-yu̍k, chhiòn mò phan-fap lé. Tak-sà chhiòn-phu kín-lòi kín-khiûn yún-yén ke kâ-hiông, ke-sṳ̀, sung-chong ke ngìn voi chhai kiê-hong lòi-lòi hi-hi.

⁶ To ke-sṳ̀, chhiu-chhiong ngiùn lien-é pâng thôn-thet, kîm-vón tá lan-thet, chhièn-súi sùn ke súi-âng-é tá lan-thet, thiên-chhâ ya chhai chiáng-sùn te̍p lan-thet,

⁷ ngìn ke sṳ̂n-thí voi kûi-vàn nài-thú, lìn-fùn voi kûi-chón su sâng-miang ke Song-ti.

⁸ Chhòn-tho-chá kóng: Khûng-hî, khûng-hî, van-sṳ chhiòn-phu he khûng-hî.

Kiet-lun

⁹ Chhòn-tho-chá m̀ tân-chhiang chhṳ-kâ yû chṳ-fi, kì hàn ki-siu̍k chiông chṳ-sṳt kau-thô ngìn-mìn. Kì ngiên-kiu, kháu-chhà pin phiên-si̍p chhin-tô chṳ̂m-ngièn.

¹⁰ Chhòn-tho-chá chhìm-chhut kit-li ngìn-sîm ke fa, yung-sîm chiông sṳ-sṳ̍t siá hâ-lòi.

¹¹ Chṳ-fi ngìn só-kóng ke fa voi chit-phi, kón-kau ngìn, chhiu-chhiong yû-net ke mu̍k-chhóng; kì-têu phiên-si̍p ke chṳ̂m-ngièn chhiu-chhiong tâng-to hèn-hèn ke tâng-é án kiên-ku, chhiòn-phu he thai mu̍k-chá Song-ti só-su ke.

¹² Heu-sâng ngìn â, hàn-yû yit-khien sṳ ngì oi liù-yi: Siá-sû yún-yén siá m̀-voi thet; sû thu̍k thet-tô, sṳ̂n-thí voi tông-khioi.

¹³ Ngài ke fa chhiòn-phu kóng-so̍t lé, chúng-kóng yit-ki: Oi kin-vi Song-ti, kiún-sú Kì ke min-lin, yîn-vi liá he tak-ke ngìn yin-kôi chhin ke ngi-vu.

¹⁴ Ngài-têu só-cho ke yit-chhiet, mò-lun hó-fái, lièn khong-tén mò-ngìn tî ke sṳ, Song-ti chhiòn-phu oi sṳ́m-phan.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan