Bìoball air-loidhne

Chhòn-tho Sû 11 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Chṳ-fi Ngìn ke Só-cho

¹ Oi chiông ngì ke liòng-sṳ̍t ve chhai súi-mien, yîn-vi chiông-lòi voi sû chón-lòi.

² Oi chiông ngì ke ngiak fûn-cho chhit-fun, ya-he pat-fun, yîn-vi ngì m̀-tî chhai liá sṳ-song voi tù-tó má-ke châi-fo.

³ Su-é mò-lun hiong-nàm hiong-pet vang-hâ, vang-to nai-vi, chhiu piong chhai ke-vi. Yùn ke súi-hi chhûng-chiuk, yí chhiu lo̍k hâ-lòi.

⁴ Na-he ngì oi tén fûng-thiàu yí-sun chang lòi kâng-chung, ngì chhiu m̀-sṳ́ ve-chúng, ngì ya m̀-voi yû-hó sû-kot.

⁵ Fûng-chhôi ke lu-sien ngì m̀-tî; ngì ya mò phan-fap tî ô-nga ngióng-pân chhai fu-ngìn-kâ ke tú-sṳ́ sṳ̀n-hìn; ngì hàn-kha mò phan-fap mìn-pha̍k chhóng-chho van-vu̍t ke Song-ti ngióng-pân kûng-chok.

⁶ Ngì chêu-sṳ̀n am-pû chhiòn-phu oi hi ve-chúng; yîn-vi ngì m̀-tî só ve ke chúng he m̀-he chhiòn-phu voi sâng, ya m̀-tî chêu-sṳ̀n-thèu ve ke voi pí am-pû-thèu ve ke kha-hó, ya-he khiung-yong.

⁷ Kông he chhin hó, khon tet-tó ngit-kông he ngióng-pân khoai-lo̍k â!

⁸ Ngìn sṳ̍t kí-tô se, chhiu cho-tet hióng-su kí-tô ngièn. Chúng-he oi ki-tet, sí-heu ke vû-am hàn-kha chhòng. Chiông-voi lòi ke sṳ chhiòn-phu he khûng-hî.

Khien-va Heu-sâng Ngìn

⁹ Heu-sâng ngìn nâ, khoai-lo̍k ko ngì ke chhiâng-chhûn! Kón hàn heu-sâng fôn-hí khoai-lo̍k â! Cheu ngì sîm só-sióng lâu muk-chû só-khon ke hi cho ngì fôn-hí ke sṳ! Chúng-he oi ki-tet, Song-ti oi cheu ngì só-yû ke hàng-vì sṳ́m-phan ngì.

¹⁰ Só-yî ngì oi tui sîm-tú chhù-thet fàn-lò, tui ngiuk-thí chhù-thet thung-khú, yîn-vi heu-sâng lâu chhiâng-chhûn he khûng-hî ke.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan