Chhòn-tho Sû 1 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Ngìn-sên ke Khûng-hî

¹ Chhai Yâ-lu-sat-lâng cho vòng, Thai-ví ke lai-é, Chhòn-tho-chá ke fa.

² Chhòn-tho-chá kóng: Khûng-hî, khûng-hî, sṳ̍p-fûn khûng-hî, van-sṳ chhiòn-phu he khûng-hî.

³ Ngìn ke yit-sên, chhai ngit-thèu hâ lò-lò luk-luk, to-tái yû má-ke ka-chhṳ̍t?

⁴ Yit-thoi ko-hi, yit-thoi yu lòi, sṳ-kie hàn-he khiung-yong.

⁵ Ngit-thèu chhut-lòi, ngit-thèu lo̍k-sân, tông-kiak to-chón kì chhut-lòi ke thi-fông.

⁶ Fûng hiong-nàm chhôi, yu chón hiong-pet, chhôi-lòi chhôi-hi, hàn-he chón-to ngièn-lòi ke lu-sien.

⁷ Kông-hò liù-ngi̍p thai-hói, hói yit-chhṳ̍t m̀-voi mân; kông-hò tui-nai liù chhut-lòi, hàn-he to-chón hi.

⁸ Ngìn yîn-vi van-sṳ chhâu-fàn: Kóng-fa, ya kóng m̀-voi so̍t; muk-chû khon, khon m̀-voi páu; ngí-kûng thâng, thâng m̀-voi la.

⁹ Fat-sên ko ke sṳ hàn-he voi fat-sên; cho-ko ke sṳ hàn-he chai cho. Ngit-thèu hâ mò yit-hong sîn ke sṳ.

¹⁰ Yû nai-hong sṳ ngìn cho-tet kóng: “Khon â, liá he sîn ke”? Sṳ-sṳ̍t song, chhai ngài-têu chhut-se yî-chhièn chó chhiu yû lé.

¹¹ Kú-chó ke sṳ-thoi, mò ngìn ki-tet; chiông-lòi ke sṳ-thoi, heu-lòi ke ngìn ya m̀-voi ki-tet.

Chhòn-tho-chá ke Kîn-ngiam

¹² Ngài he Chhòn-tho-chá; ngài chhai Yâ-lu-sat-lâng cho-ko Yî-set-lie̍t ke vòng.

¹³ Ngài chôn-sîm yung chṳ-fi chhìm-khiù, ngiên-kiu thiên-ha yit-chhiet fat-sên ke sṳ. Song-ti pûn sṳ-kiên ngìn ke chhûng-tâm ngióng-voi án chhûng!

¹⁴ Ngài khon-ko ngit-thèu hâ fat-sên ke yit-chhiet; chhiòn-phu he khûng-hî, he chok-fûng.

¹⁵ Vân ke mò phan-fap pien chhṳ̍t; mò ke cho-m̀-tet son yû.

¹⁶ Ngài sîm-tú án-ngiòng sióng: “Ngài ke chṳ-fi kô-ko só-yû yî-chhièn thúng-chhṳ ko Yâ-lu-sat-lâng ke ngìn. Ngài ke sîm liáu-kié tông-tô chṳ-fi lâu chṳ-sṳt.”

¹⁷ Ngài yung-sîm oi fûn-phe̍t chṳ-fi lâu ngong-tong, chṳ-sṳt lâu tiên-khòng, chang tî liá ya he chok-fûng.

¹⁸ Chṳ-fi ye̍t-kô, fàn-lò ye̍t-tô; chṳ-sṳt ye̍t-tô, sông-sîm ye̍t-thai.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan