Bìoball air-loidhne

Â-mô-sṳ̂ Sû 3 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Yî-set-lie̍t-ngìn â, ngì-têu oi thâng Song-chú kûng-kit ngì-têu chhiòn-koet ngìn-mìn só-kóng ke fa. Song-chú sṳt tui Âi-khi̍p chiông ngì-têu thu chhut-lòi;

² Kì kóng: “Chhai chhiòn sṳ-kie án-tô koet-kâ chûng, Ngài chṳ́-yû sién ngì-têu, ngì-têu hàn fam án-tô ke chhui; só-yî Ngài yit-thin oi chit-fa̍t ngì-têu.”

Siên-tî ke Ngim-vu

³ Lióng-sà na m̀ siông-chheu, ngióng-voi khiung-ha hàng nè?

⁴ Sṳ̂-é na-mò chok-tó lia̍p-vu̍t, ngióng-voi chhai su-lìm chûng ho-ho-kún? Yúng-chong ke sṳ̂-é mò chok-tó tûng-sî, ngióng-voi chhai lùng-tú chhin-hò?

⁵ Na-he chok tiâu-é ke kî-koân mò piong sṳ̍t-vu̍t, ngióng-pân chok tet-tó tiâu-é? Na-he mò tûng-sî thûng-tó kî-koân, kì ngióng-voi thiàu hí-lòi?

⁶ Chok-chan ke kín-po yit-hióng, sàng-tú ke ngìn kám voi m̀-kiâng? Na m̀-he Song-chú ke chṳ́-yi, châi-fo voi lìm-to ke-sàng mâ?

⁷ Chṳ-kô ke Song-chú oi yû hàng-thung ke sṳ̀, yit-thin siên chiông kie-va̍k lâu Kì ke phu̍k-ngìn — ke-têu siên-tî kóng.

⁸ Sṳ̂-é ho-ho-kún ke sṳ̀, má-ngìn m̀-kiâng? Chṳ-kô ke Song-chú kóng-fa ke sṳ̀, má-ngìn kám m̀ chhòn yi-ngièn nè?

Sat-mâ-li-â Chhám lé

⁹ Ngì hi hiong ke-têu he̍t chhai Âi-khi̍p lâu Â-sṳ̍t-thut vòng-kiûng tú ke ngìn siên-pu: “Ngì-têu oi chhai Sat-mâ-li-â ke sân-táng si̍p-ha̍p, khon sàng-tú só fat-sên fun-lon, khî-ap ke sṳ.”

¹⁰ Song-chú án-ngiòng kóng: “Ke-têu ngìn chhai kì-têu ke sàng-pó tôi-mân chhióng-lòi lâu pok-siok ke chhòi-vu̍t; kì-têu m̀-tî má-ke ôn-to kûng-tong.

¹¹ Só-yî, thi̍t-ngìn voi pâu-vì kì-têu ke sàng-sṳ, pho-fái kì-têu ke fòng-sien, chhióng kì-têu ke sàng-pó.”

¹² Song-chú án-ngiòng kóng: “Chhiu-chhiong mu̍k-yòng-ngìn chṳ́-yû tui sṳ̂-é ke choi-tú chhióng-chón lióng-kî yòng-kiok ya-he pan-chak ngí-kûng thin-thin, chhai Sat-mâ-li-â ko chhâ-fà sên-fa̍t ke Yî-set-lie̍t-ngìn ya chṳ́-yû séu-su yû khó-nèn tui châi-nan chûng tet-tó chṳ́n-kiu.”

¹³ Chṳ-kô ke Song-chú — Van-kiûn ke Ngièn-soi Song-ti kóng: “Oi thâng! Oi kín-ko Ngâ-kok ke heu-thoi:

¹⁴ Ngài chit-fa̍t Yî-set-lie̍t só-fam ke chhui sṳ̀, Ngài oi chhak-thet Pak-thi̍t-li-sàng ke chi-thàn; chi-thàn ke si-chak kok voi pûn-ngìn khau-thet, tiet chhai thi-song.

¹⁵ Ngài oi chhak-thet kì-têu phit-sú ke phe̍t-chông lâu phit-hòn ke nôn-fòng; siong-ngà chông-fòng ke vuk lâu chhin-chiâng ke thai-vuk chhiòn-phu voi vang-to tap-tap.” Song-chú án-ngiòng siên-pu lé.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan