Thì-mô-thai Chhièn-sû 4 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Ká Kau-sṳ̂

¹ Sṳn-Lìn mìn-mìn kóng, chhai ma̍t-heu ke sṳ̀-khì, yû-têu ngìn voi piong-thet sin-ngióng, hi thèn khî-phien ke lìn lâu sià-lìn ke kau-hiun.

² Liá-chúng kau-hiun he tui ká-mo vì-san ke lau-é lòi ke; kì-têu ke liòng-sîm chhiong pûn sêu-fùng ke thiet nat-sí thet-hi.

³ Kì-têu kim-chṳ́ ka-chhí; yû-têu sṳ̍t-vu̍t kì-têu ya kim-sṳ̍t, chhiu-he Song-ti só chho, oi pûn ke-têu yû sin-sîm yu mìn-pha̍k chṳ̂n-lî ke ngìn yung kám-chhia ke sîm lòi liâng-su ke.

⁴ Song-ti só chho ke yit-chhiet chhiòn-phu he hó ke, ngìn yin-tông yung kám-chhia ke sîm lòi liâng-su, m̀-hó khî-chhie̍t,

⁵ yîn-vi Song-ti ke fa lâu ngìn ke khì-tó sṳ́ liá-têu sṳ̍t-vu̍t sàng-cho sṳn-kiet lé.

Kî-tuk Yâ-sû ke Hó Phu̍k-ngìn

⁶ Ngì na-he chiông liá-têu sṳ chṳ́-sṳ hiûng-thi chí-moi, ngì chhiu-he Kî-tuk Yâ-sû ke hó phu̍k-ngìn; thùng-sṳ̀, sin-ngióng ke fa lâu ngì yit-chhṳ̍t só sun-chhiùng ke chṳn-khok tho-lî, voi pông-chhu ngì chhṳ-kâ chhai lìn-sin-song chóng-chin.

⁷ Ngì oi hi-chhie̍t ke-têu mò-tap mò-toi ke ngièn-ngî lâu mò-yáng mò-chiak ke chhòn-sot; oi vi-tó kin-khièn ke sên-fa̍t chhâu-lien chhṳ-kâ.

⁸ Sṳ̂n-thí ke chhâu-lien, li-yit yû-han; lìn-sin ke chhâu-lien, fàm-sṳ tû-yû li-yit, yîn-vi voi tai-lòi kîm-sên lâu lòi-sên ke phan-mong.

⁹ Liá-ki fa he khó-kho ke, khâm-tet ngìn vàn-chhiòn chiap-su.

¹⁰ Ngài-têu sîn-khú tá-piang, yîn-vi ngài-têu só phan-mong ke he yún-sên ke Song-ti; Kì he ngìn-lui ke Kiu-chú, thi̍t-phe̍t he sin-thù ke Kiu-chú.

¹¹ Ngì oi chiông liá-têu sṳ-chhìn chṳ́-sṳ kì-têu, kau-thô kì-têu.

¹² Mo̍k pûn ngìn khon-khiâng ngì heu-sâng; tiên-to, mò-lun kóng-fa, hàng-sṳ, oi-sîm, sin-sîm, lâu sùn-kiet tak fông-mien, ngì lûng-chúng oi cho sin-thù ke póng-yong.

¹³ Ngì oi yung-sîm chhai siên-thu̍k Sṳn-kîn, kóng-tho, lâu kau-thô tén kûng-chok-song, chhṳ̍t-to ngài lòi.

¹⁴ M̀-hó fut-lio̍k ngì su̍k-lìn ke ên-su; liá ên-su he thûng-ko siên-tî ke yi-ngièn lâu chung chóng-ló ke on-sú só su-pûn ngì ke.

¹⁵ Liá-têu sṳ ngì oi chôn-sîm ngin-chṳ̂n hi cho, pûn thai-kâ khon-tó ngì ke chin-phu.

¹⁶ Ngì oi kiún-sṳ́m chhṳ-kâ lâu chhṳ-kâ ke kau-hiun. Liá-têu sṳ-chhìn oi kiên-chhṳ̀ hi hàng; án-ngiòng, ngì chhiu voi kiu ngì pún-sṳ̂n, yu voi kiu thâng-chhiùng ngì ke ngìn.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan