Thì-mô-thai Chhièn-sû 2 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Kau-fi ke Lî-pai

¹ Chui-siên, ngài khien ngì, oi vi van-mìn tui Song-ti lòi khién-khiù, khì-tó, thoi-tó, lâu kám-ên;

² ya oi vi kiûn-vòng lâu yit-chhiet yû khièn-sṳ ke ngìn khì-tó, pûn ngài-têu yû tiâm-chhin lâu fò-phìn ke ngit-è, lòi ko kin-khièn lâu tôn-chang ke sên-fa̍t.

³ Liá he hó-sṳ, he ngài-têu ke Kiu-chú Song-ti só fôn-hí ke.

⁴ Song-ti oi mî-yit-ke ngìn tet-kiu, lûng-chúng ngin-sṳt chṳ̂n-lî.

⁵ Yîn-vi chṳ́-yû yit-vi Song-ti, chhai Song-ti lâu ngìn ke chûng-kiên chṳ́-yû yit-vi chûng-pó, chhiu-he sàng-cho ngìn ke Kî-tuk Yâ-sû;

⁶ kì hî-sên chhṳ-kâ lòi pûn ngìn-lui tet-tó chhṳ-yù; liá-khien sṳ chhai sṳ̀-kî sṳ̀n-su̍k ke sṳ̀ chhiu chṳn-mìn chhut-lòi.

⁷ Vi-tó án-ngiòng, ngài fung chhâi-phai cho chhòn-tho-ngìn, sṳ́-thù, lâu Ngoi-pâng-ngìn ke kau-sṳ̂, lòi pûn kì-têu siông-sin pin ngin-sṳt chṳ̂n-lî. Ngài mò kóng fâ-liâu; ngài só-kóng ke chhiòn-phu he chṳ̂n-sṳ̍t ke!

⁸ Chhai kok só-chhai ke chhi-fi, ngài hî-mong nàm-ngìn khià-tén sṳn-kiet ke sú lòi khì-tó, chhiòn mò fat-khién, ya mò phien-lun.

⁹ Ngài ya hî-mong fu-ńg chok-sâm oi tôn-chông, thai-fông lâu ha̍p-sṳt; mo̍k piên khì-khì koai-koai ke thèu-nà-mô; mo̍k yung kîm-é, chṳ̂n-chû, ya-he chhin kui ke fu̍k-chông lòi tá-pan.

¹⁰ Oi yung hó hàng-vì lòi péu-mìn chhṳ-kâ he kin-vi Song-ti ke fu-ńg.

¹¹ Fu-ńg oi tiâm-tiâm lòi ho̍k-si̍p, fàm-sṳ sun-fu̍k.

¹² Ngài m̀ chún fu-ńg kau-hiun ngìn, ya-he kón-hot nàm-ngìn; kì-têu oi ôn-chhin chang hó.

¹³ Yîn-vi Song-ti siên chho Â-tông, yèn-heu chang he Ha-vâ.

¹⁴ Su yín-yu ke m̀-he Â-tông, he ńg-ngìn; kì su yín-yu, vì-phoi Song-ti ke kim-lin.

¹⁵ Chúng-he, fu-ńg na ôn-fun sú-kí, kiên-chhṳ̀ sin-sîm, oi-sîm, lâu sṳn-kiet, chhiu voi thûng-ko sên-yông chṳ́-ńg lòi tet-kiu.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan