Thiap-sat-lò-nì-kâ Chhièn-sû 5 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Chún-phi Ngiàng-chiap Chú Chai-lòi

¹ Hiûng-thi chí-moi â, koân-he liá-sṳ fat-sên ke sṳ̀-kiên lâu ngit-khì, m̀-sṳ́ ngìn siá sin-é lâu ngì-têu kóng;

² yîn-vi ngì-têu chhṳ-kâ chhîn-chhú tî, Chú chai-lòi ke ngit-è chhiu-chhiong chhe̍t-é chhai am-pû-sṳ̀ fut-yèn lòi-to yit-yong.

³ Thai-kâ kóng-tén “Yit-chhiet phìn-ôn, mò sṳ!” ke sṳ̀, châi-nan voi fut-yèn lìm-to kì-têu, chhiong chhṳn-thung fut-yèn lìm-to chiông-oi kiung ke fu-ńg yit-yong; kì-têu chhie̍t-tui chéu-sám m̀-thet.

⁴ Chúng-he, hiûng-thi chí-moi â, yîn-vi ngì-têu m̀-he sên-fa̍t chhai vû-am chûng, ke-ngit m̀ voi chhiong chhe̍t-é yit-yong fut-yèn lìm-to ngì-têu.

⁵ Ngì-têu chhiòn-phu he kông-mìn ke ngìn, he su̍k ngit-sṳ̀-thèu ke. Ngài-têu m̀-he su̍k am-pû-sṳ̀, m̀-he sên-fa̍t chhai vû-am chûng ke ngìn.

⁶ Só-yî, ngài-têu mò yin-kôi chhiong phe̍t-ngìn án-ngiòng soi-to sí-sí; ngài-têu oi kín-siáng, kiún-sṳ́m.

⁷ Ngìn soi-muk, he chhai am-pû-sṳ̀ soi; chiú-thù ya he chhai am-pû-sṳ̀ chui-chiú.

⁸ Ki-yèn ngài-têu he su̍k ngit-sṳ̀-thèu ke, chhiu yin-kôi kiún-sṳ́m. Ngài-têu oi yung sin-sîm lâu oi-sîm cho fu-sîm-kiang chok-tén, yung tet-kiu ke phan-mong cho thèu-khûi tai-tén.

⁹ Song-ti m̀-he kién-sién ngài-têu lòi pûn Kì chit-fa̍t, he oi ngài-têu thûng-ko ngài-têu ke Chú Yâ-sû Kî-tuk lòi tet-tó chṳ́n-kiu.

¹⁰ Kî-tuk vi ngài-têu sí, he oi pûn ngài-têu, mò-lun he yí-kîn soi-thet ya-he hàn sâng-tén, lûng-chúng voi chhai kì chai-lòi ke sṳ̀ thùng kì khiung-ha sâng-tén.

¹¹ Só-yî, ngì-têu oi fu-siông kú-li, pí-chhṳ́ chho-chhiu, chhiong ngì-têu liá-ha só cho ke yit-yong.

Chui-heu ke Chṳ́-sṳ lâu Chhiáng-ôn

¹² Hiûng-thi chí-moi â, ngài-têu khiù ngì-têu, oi chûn-chhung ke-têu chhai ngì-têu chûng-kiên sîn-khú kûng-chok ke, chhiu-he Chú só kién-sién lòi chṳ́-thô khien-miên ngì-têu ke ngìn.

¹³ Yîn-vi kì-têu ke kûng-chok, ngì-têu yin-kôi chhin só-nèn yung chûn-kin lâu oi-sîm lòi khoán-thai kì-têu. Ngì-têu chhṳ-kâ ya oi pí-chhṳ́ fò-mu̍k.

¹⁴ Hiûng-thi chí-moi â, ngài-têu khien ngì-têu, oi kín-ko lân-sṳ̂ ke ngìn, kú-li fôi-sîm ke ngìn, fù-chhṳ̀ ngiôn-ngio̍k ke ngìn, ya oi yung nai-sîm tui-thai mî-yit-ke ngìn.

¹⁵ Oi se-ngi, mò-lun má-ngìn tû cho-m̀-tet yung-fái po-fái; oi sòng-sòng pí-chhṳ́ koân-sîm, vi-tó phe̍t-ngìn ke hó-chhu lòi sióng.

¹⁶ Oi sòng-sòng hí-lo̍k,

¹⁷ khì-tó mò-thìn,

¹⁸ fàm-sṳ kám-chhia; yîn-vi liá he Song-ti vi ngì liá-têu su̍k Kî-tuk Yâ-sû ke ngìn só thin ke chṳ́-yi.

¹⁹ M̀-hó sêu-me̍t Sṳn-Lìn ke kám-thung;

²⁰ m̀-hó méu-sṳ siên-tî ke kóng-lun.

²¹ Tak-yong sṳ oi siòng-se chhat-ngiam: Mî-san ke sṳ oi chhṳ̀-sú,

²² yit-chhiet sià-ok ke sṳ oi hi-chhie̍t.

²³ Ngien su phìn-ôn ke Song-ti chhîn-chhṳ sṳ́ ngì-têu vàn-chhiòn sṳn-kiet! Ngien ngì-têu ke lìn, fùn, lâu sṳ̂n-thí tet-tó pó-sú, chhai ngài-têu ke Chú Yâ-sû Kî-tuk chai-lòi ke sṳ̀, vàn-chhiòn mò hó hiàm!

²⁴ Fû-seu ngì-têu ke Song-ti he sin-sṳ̍t khó-kho ke; Kì yit-thin voi sṳ̀n-chhiu liá-ke sṳ.

²⁵ Hiûng-thi chí-moi â, chhiáng vi ngài-têu khì-tó.

²⁶ Ngì-têu oi sṳn-kiet siông-chîm thùng chung hiûng-thi chí-moi chhiáng-ôn.

²⁷ Ngài fung Chú ke miàng fûn-fu ngì-têu, liá-fûng sin-é oi siên-thu̍k pûn só-yû ke hiûng-thi chí-moi thâng.

²⁸ Ngien ngài-têu ke Chú Yâ-sû Kî-tuk su ên-tién pûn ngì-têu!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan