Thiap-sat-lò-nì-kâ Chhièn-sû 4 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Pûn Song-ti Fôn-hí ke Sên-fa̍t

¹ Chui-heu, hiûng-thi chí-moi â, ngì-têu yí-kîn tui ngài-têu ho̍k-tó oi ngióng-pân chhai sên-fa̍t-song pûn Song-ti fôn-hí; sṳ-sṳ̍t-song, ngì-têu ya yit-chhṳ̍t he án-ngiòng hàng. Liá-ha, ngài-têu fung Chú Yâ-sû ke miàng khien ngì-têu, khiù ngì-têu, oi kien-kâ tá-piang.

² Ngì-têu tî, ngài-têu thûng-ko Chú Yâ-sû ke khièn-piang só kâu ngì-têu ke he má-ke.

³ Song-ti ke chṳ́-yi he oi ngì-têu sṳn-kiet, yén-lì yìm-lon ke sṳ;

⁴ mî-yit-ke ngìn oi tî ngióng-pân yung sṳn-kiet lâu chûn-kui ke fông-sṳt lòi pó-sú chhṳ-kâ ke sṳ̂n-thí;

⁵ m̀-hó fong-chiúng chhìn-yu̍k, chhiong ke-têu m̀ sṳt Song-ti ke yi-kau-thù án-ngiòng.

⁶ Chhai liá-chúng sṳ-song, m̀-hó yû tui-m̀-hí ya-he khî-fu hiûng-thi chí-moi ke hàng-vì. Ngài-têu yí-kîn tui ngì-têu kóng, ya sṳt kín-ko ngì-têu: Chú thin-chho̍k voi chit-fa̍t ke-têu cho liá-chúng sṳ ke ngìn.

⁷ Song-ti fû-seu ngài-têu, m̀-he oi ngài-têu sên-fa̍t chhai yìm-lon chûng, he oi ngài-têu sṳn-kiet.

⁸ Só-yî, khî-chhie̍t liá-chúng kau-hiun ke, m̀-he khî-chhie̍t ngìn, he khî-chhie̍t su Sṳn-Lìn pûn ngì-têu ke Song-ti.

⁹ Koân-he siak hiûng-thi chí-moi, ngài m̀-sṳ́ siá sin-é thùng ngì-têu thó-lun; Song-ti yí-kîn kâu ngì-têu oi ngióng-pân pí-chhṳ́ siông-siak,

¹⁰ ngì-têu ya he cheu liá kau-hiun tui-thai chhiòn Mâ-khì-tun ke chung hiûng-thi chí-moi. Chúng-he, hiûng-thi chí-moi â, ngài-têu hàn-he oi khien ngì-têu: Kien-kâ tá-piang,

¹¹ li̍p-chṳ ôn-fun sú-kí, chhîn-sú cho-se lòi vì-chhṳ̀ chhṳ-kâ ke sên-fa̍t, chhiong ngài-têu thèu-pái fûn-fu ngì-têu án-ngiòng,

¹² pûn ngì-têu tet-tó ke-têu mò-sin ke ngìn ke chûn-kin, ya m̀-sṳ́ kho phe̍t-ngìn ke kiûng-kip.

Chú ke Chai-lòi

¹³ Hiûng-thi chí-moi â, koân-he yí-kîn soi-thet ke ngìn, ngài-têu mò-oi ngì-têu m̀ tî, miên-tet ngì-têu yù-sèu, chhiong ke-têu mò phan-mong ke ngìn.

¹⁴ Ngài-têu siông-sin Yâ-sû yí-kîn sí yu fu̍k-fa̍t, só-yî ngài-têu siông-sin, ke-têu sin Yâ-sû ke ngìn sí heu, Song-ti ya voi chiông kì-têu thùng kì khiung-ha tai-chón-hi.

¹⁵ Ngài-têu liá-ha cheu Chú ke kau-hiun lâu ngì-têu kóng: Ngài liá-têu sâng-tén, chhùn-liù to Chú chai-lòi ke ngìn, m̀-voi pí ke-têu yí-kîn soi ke ngìn siên thùng Chú siông-fi.

¹⁶ Ke-sṳ̀, voi yû fat min-lin ke sâng, thiên-sṳ́-chóng ke sâng, lâu Song-ti ke ho-thùng sâng, yèn-heu, Chú pún-sṳ̂n voi tui thiên-táng kong hâ-lòi. Siông-sin Kî-tuk, yí-kîn sí-thet ke ke-têu ngìn voi siên fu̍k-fa̍t;

¹⁷ chiap-tén, ngài liá-têu sâng-tén hàn chhùn-liù ke ngìn lûng-chúng voi thùng kì-têu khiung-ha su-chiap to yùn-táng hi, chhai khûng-chûng thùng Chú siông-fi. Án-ngiòng, ngài-têu chhiu yún-yén lâu Chú thùng-chhai lé.

¹⁸ Só-yî, ngì-têu oi yung liá-têu fa pí-chhṳ́ ôn-ví.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan