Thiap-sat-lò-nì-kâ Chhièn-sû 3 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Ngài-têu ki-yèn ngiûn-m̀-he̍t lé, chhiu kiet-thin chhṳ-kâ liù chhai Ngâ-tién,

² phai ngài-têu ke hiûng-thi Thì-mô-thai hi ngì-têu ke-vi; kì he ngài-têu ke thùng-kûng, vi Song-ti chhòn Kî-tuk ke fuk-yîm. Ngài-têu phai kì hi ke muk-tit he oi kiên-ku lâu pông-chhu ngì-têu ke sin-sîm,

³ pûn ngì-têu m̀-voi yû-ngìn yîn-vi su pet-hoi lòi yèu-thung. Ngì-têu tî, liá pet-hoi ya he ngài-têu thin-chho̍k oi kîn-li̍t ke.

⁴ Thùng ngì-têu khiung-ha ke sṳ̀, ngài-têu chia̍p-chia̍p siên lâu ngì-têu kóng, ngài-têu voi tù-tó pet-hoi. Liá-ke sṳ chṳn-kîn chhiu fat-sên; liá he ngì-têu só tî ke.

⁵ Yîn-vi án-ngiòng, ngài chang phai Thì-mô-thai hi; ngài sṳ̍t-chhai ngiûn-m̀-he̍t lé. Ngài phai kì hi, he oi tî ngì-têu ke sin-sîm to-tái ngióng-pân. Ngài kiâng-pha ngì-têu yí-kîn pûn Mô-kúi mì-fe̍t, ngài-têu ke lò-luk pien mò chhái-kûng!

⁶ Liá-ha, Thì-mô-thai yí-kîn tui ngì-têu ke-vi chón-lòi lé. Kì tai-chón koân-he ngì-têu ke sin-sîm lâu oi-sîm ke hó sêu-sit. Kì kóng, ngì-têu sòng-sòng sṳ̂-ngiam ngài-têu, pet-chhiet hî-mong kien-tó ngài-têu, chhiong ngài-têu pet-chhiet hî-mong khon-tó ngì-têu yit-yong.

⁷ Só-yî, hiûng-thi chí-moi â, ngài-têu chhai yit-chhiet fam-nan lâu khun-khú chṳ̂ chûng, yîn-vi ngì-têu ke sin-sîm chhiu tet-tó kú-li.

⁸ Ki-yèn ngì-têu tui Chú yû kiên-thin ke sin-sîm, ngài-têu chhiu m̀-sṳ́ sèu-to voi sí.

⁹ Liá-ha, ngài-têu cho-tet chhin-liong vi-tó ngì-têu kám-chhia ngài-têu ke Song-ti. Ngài-têu kám-chhia Kì, yîn-vi ngì-têu pûn ngài-têu chhai Kì mien-chhièn tet-tó fôn-hí.

¹⁰ Ngài-têu ngit-ya tui Kì pet-chhiet khì-khiù, pûn ngài-têu voi yû-hó chhîn-sṳ̂n hi khon ngì-têu, lòi pú-mân ngì-têu sin-sîm ke sî-yeu.

¹¹ Ngien Song-ti — ngài-têu chhai thiên-táng ke Â-pâ lâu ngài-têu ke Chú Yâ-sû chhîn-chhṳ khôi-lu, pûn ngài-têu voi yû-hó hi-to ngì-têu ke-vi.

¹² Ngien Chú pûn ngì-têu yû pí-chhṳ́ siông-siak lâu siak chung-ngìn ke sîm, ngit-ngit chen-chóng, chhiong ngài-têu án siak ngì-têu yit-yong.

¹³ Án-ngiòng, Kì voi kiên-thin ngì-têu ke sîm, chhai ngài-têu ke Chú Yâ-sû lâu só-yû su̍k kì ke ngìn kong-lìm ke sṳ̀, pûn ngì-têu chhai ngài-têu ke Â-pâ Song-ti mien-chhièn sàng-cho sṳn-kiet, mò hó hiàm.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan