Yunan 2 - Awal n Messineɣ s Tamahaq

¹ Yesséwey-in Amaɣlol ǎsolmi mǎqqeren, yelmeẓ Yunan, yeqqim Yunan dɣ tesa n ǎsolmi keraḍ ihilan d keraḍ iheḍan.

² Dɣ tesa n ǎsolmi, yeqqim Yunan itimuhud fol Amaɣlol, Messineɣ ennét, yenna :

³ « Dɣ mihi, eɣréɣ Amaɣlol, Yǎjeweb ahi ; Dɣ ammas n ǎkal n inemmuttan, eǧmeyeɣ telilt, Tesgeded i awalin.

⁴ Tenḍew-d ahi dɣ édér n ǧeréw, Tihiw n aman eɣleynet ahi ; Tihiw emdanet, aman emdan okeyen foli.

⁵ Nk ǧannéɣ dɣ imanin : “Etwestaɣeɣ, oǧeǧeɣ ǎhenay ennek ! Beššan abedǎh eǧareɣ eṭṭema n éd eyneɣ éhen ennek wan ǎmud wa heddigen.”

⁶ Aman éweḍen ahi ar tǎkorseyt, Tihay eɣleynet ahi, Tǎleggit tekres fol éɣefin.

⁷ Ereseɣ ar ikéwen n tidreɣén, ǎmǎḍal yergelen foli tinassén ennét ar abedǎh ; Beššan tesseǧmeḍed ahí-d anu eddareɣ, É Messineɣ, Amaɣlolin !

⁸ Awad edhašen imanin dɣ ammasin, Ektéɣ-d Amaɣlol, tittarin éweḍnet key, éweḍnet éhen ennek n ǎmud wa heddigen.

⁹ Wi elkemnén i elṣnam wrn elé tenfa, wr ilkém éd ennejjin.

¹⁰ Nk, éd hak eǧeɣ tikutawén, timmuyuɣ ǎsiɣeréɣ, Awas ennéɣ édt eǧeɣ, tidet as édt eǧeɣ : ǎnejji wr-t iteǧ ar Amaɣlol. »

¹¹ Dédih yesséwel Amaɣlol i ǎsolmi, yoq-d Yunan fol ǎmǎḍal.