१ तिमोथी 2 - थुलुङ राईसो़रलोले बोमुकु दुथाममिम सीसि 1 खोत्ले मु़चु़काम लागि सो़म्दी बेनी र्वाक्साका ङादो गो इमा सो हन्बेट्पु, मेर्मिमका हाम चाहेबोमी मेराम गानी माम्चु़नीनुङ बिनी, मा गुमीलाई आलासो़ ग्वाक्नी, 2 मा हपमिम नुङ साखामचो़मिम खोत्लेकाम लागि सो़म्दी बेनी। मेम्मा गुइ माम्चु़नीकु सो़रलोले बोमु नुङ उनीमा नङ कोक्साका न भ्रसिक्तो जो़होमका बुमु ल्वासी। 3 ओराम गुइ सेल्पा माम्चु़नीकु मिक्सीलामडा जो़पा बु, मा ओरामलामका गुमी गेर्सी द्वामी। 4 माम्चु़नीका खोत्ले मु़चु़मिम सेल्सिमिनु़, मा आच्छाङाकाम ल्वा थेसिथेन्मिनु़ र्वाक्पा न बोमी। 5 माम्चु़नी कोले कोङङा सो़, मा माम्चु़नीनुङ मु़चु़कु न-थो़म घ्रो़म्बेन्मु ने ख्रीष्टलामका कोङङा दु़म। आरे बोमु लागि येशू ख्रीष्ट ने मु़चु़ दु़म्साका योम्डी। 6 खोत्ले मु़चु़मिमका देन्दे ल्वामुडाम फ्वामुकु थि सोमु लागि येशू ख्रीष्ट उनी त्वापङा सासेन्सिम्डी। खोत्ले मु़चु़ सेल्सिमिनु़ र्वाक्पा न बेपा माम्चु़नीका येशू ख्रीष्ट क्रूसडा चेसिक्साका सिमु ग्वाम्डिम ल्वाका रेम्बु़। मेराम माम्चु़नीका र्वाम्डिम थारीका दु़स्ता। 7 मेम्मिमका माम्चु़नीका ओराम उनी नकाम लागि जो़पा-सेला सो़पा नुङ थु़र्मा थुट्ङिडिमिम बु, मा आच्छाङाकाम सिजेम वाङसामामिमलाई सीपा मु़चु़ दु़म्ङोडोम बु। गो ओराम लिमा मेथेसाका आच्छाङा र्वाङुमिम सो़। 8 थो़रलु़पामिमकु घ्रो़म्दीडा वोस्चो़मिमका छोक्चो मेबेसाका नुङ रिबुसी मेकिसाका मा सेपा उनी ल्वा कोक्साका सो़म्दी बोमिनु़ र्वाक्पा आमा न बु। 9 मेम्साकाङा मेसेममिमका वो फसिसि नु़पा नुङ घ्रेट्पा ये फम्सिमिनु़, सेम हापा बनेमेबेसाका सो़ना, दिरिल्य नुङ हापा थिकाम ये फसिक्साका मेएँ, 10 लावो माम्चु़नीकु सो़रलोले बेउ र्वाक्पा मेसेमका जो़पा खारीका उ त्वापलाई घ्रेट्पा ल्वासिक्पा बनेबोमु बासी। 11 थो़रलु़पामिम घ्रो़म्पा थारीका मेसेममिमका छो़म याक्के दु़म्साका नुङ लिबा बात्तो सिम्सिमिनु़। 12 मेसेमका वोस्चो़ सीपा मा वोस्चो़डला साखाम थो़मु गो मेग्वाक्पु। मेसेम लिबावा बुनु़। 13 हेङालोने माम्चु़नीका आदमङा ङादो प्रङ्मिडिम, मा मेरामकु चङडा हव्वा प्रङ्मिडिम सो़। 14 शैतानका लु-फेले बु़डु़म वो आदम मेएँ हव्वा। मेम्मा हव्वा छु़लचो़ दु़स्ता। 15 लावो मेसेममिमका घ्रेट्पा दु़म्साका थो़र, रिखाम, नुङ माम्चु़नीकु न होङङा खारी बेत्तो बाम्डी माला चो़च्चो़ गमिम थारीका मेर्मिम सेल्सिमी। |
© Wycliffe Bible Translators, Inc. All rights reserved.
Wycliffe Bible Translators, Inc.