Kananet 5 - Tennet

Biilet ci Adami

¹ Een icu lelet ci Adami e̱he̱rye̱ ko̱. Eenyca bali Ta̱mu̱ta̱dde̱n e̱e̱t ci diiri kudukto ki nonno.

² Eteehenya enne nogo, ci maci ki ci nga̱a̱ye̱ kar zin ka̱mu̱yu̱k nogo. Imma bali ngati idimana enne nogo, akatek zar cik azi ne, “E̱e̱t.”

³ Baling abak Adami zee kize e̱rki̱nya̱ o̱bo̱n co̱de̱ ki moten i̱i̱yo̱ (130), i̱ti̱rra̱ zin do̱le̱c ci a̱du̱wo̱ ki nonno kar zin kakatek zar kize Seth.

⁴ Ma baling i̱ti̱rra̱i̱ Sethi, abak zin Adami zee kizeto e̱rki̱to̱wa̱ obet tu̱rge̱ (800) ngati i̱ti̱rra̱i̱ logoz ki buuwecci u̱gge̱.

⁵ Abak zin Adami zee kizeto e̱rki̱to̱wa̱ obet torkoc ki moten i̱i̱yo̱ (930), kar zin ka̱da̱k.

⁶ Baling abak Sethi kizeto e̱rki̱to̱wa̱ o̱bo̱n co̱de̱ ki tu̱r (105), i̱ti̱rra̱ zin logozit ci een zara Enosh.

⁷ Baling ize enne be̱e̱ti̱ Enoshi, abak zin Sethi e̱rki̱to̱k obet tu̱rge̱ ki turgerem (807). I̱ti̱rra̱ bo̱do̱k logoz ki buuwecci u̱gge̱,

⁸ kar zin Sethi ka̱da̱k ngati izeto e̱rki̱to̱wa̱ do̱o̱k obet torkoc ki omoto ki ram (912).

⁹ Baling izeto e̱rki̱to̱wa̱ cik Enoshi moten torkoc (90), i̱ti̱rra̱ ngerinne ci azi zar ne, Kenan.

¹⁰ Baling i̱ti̱rra̱i̱ Kenani, abak zin Enoshi e̱rki̱nya̱ obet tu̱rge̱ ki omoto ki tu̱r (815).

¹¹ Kar zin Enoshi ka̱da̱k ngati izeto e̱rki̱nya̱ do̱o̱k obet torkoc ki tu̱r (905).

¹² Baling izeto e̱rki̱nya̱ cik Kenani moten turgerem, i̱ti̱rra̱ ngerinne ci een zara Mahalalel.

¹³ Baling ize enne be̱e̱ti̱ Mahalalel, abak zin Kenani e̱rki̱nya̱ cik een obet tu̱rge̱ ki moten we̱c (840). I̱ti̱rra̱ bo̱do̱k dooli u̱gge̱

¹⁴ kar zin Kenani ka̱da̱k baling izeto e̱rki̱to̱wa̱ do̱o̱k obet torkoc ki omoto (910).

¹⁵ Baling abak Mahalaleli kizeto e̱rki̱to̱wa̱ moten torkonom ki tu̱r (65), i̱ti̱rra̱ ngerinne ci een zara Jared.

¹⁶ Imma baling ize enne be̱e̱ti̱ Jaredi, abak Mahalaleli e̱rki̱nya̱ obet tu̱rge̱ ki moten i̱i̱yo̱ (830), i̱ti̱rra̱ bo̱do̱k logoz ki buuwecci u̱gge̱,

¹⁷ kar zin Mahalaleli ka̱da̱k ngati izeto e̱rki̱nya̱ do̱o̱k obet tu̱rge̱ ki moten torkoc ki tu̱r (895).

¹⁸ Baling abak Jaredi kizeto e̱rki̱to̱wa̱ o̱bo̱n co̱de̱ ki moten torkonom ki ram (162), i̱ti̱rra̱ ngerinne ci azi zar ne Enok.

¹⁹ Baling okko enne een be̱e̱ti̱ Enoki, abak zin Jaredi e̱rki̱nya̱ obet tu̱rge̱ (800), i̱ti̱rra̱ zin bo̱do̱k logoz ki buuwecci u̱gge̱.

²⁰ Kar zin Jaredi ka̱da̱k ngati izeto e̱rki̱to̱wa̱ do̱o̱k obet torkoc ki moten torkonom ki ram (962).

²¹ Baling izeto e̱rki̱nya̱ cik Enoki moten torkonom ki tu̱r (65) i̱ti̱rra̱ ngerinne ci een zara Methuselah.

²² Baling i̱ti̱rra̱ enne Methuselah, abak zin Enoki ngati owowo ki Ta̱mu̱ta̱dde̱no̱ e̱rki̱nya̱ obet i̱i̱yo̱ (300), kar zin ki̱ti̱rra̱ bo̱do̱k logoz ki buuwecci u̱gge̱.

²³ Abak Enoki zee kizeto e̱rki̱nya̱ obet i̱i̱yo̱ ki moten torkonom ki tu̱r, (365).

²⁴ Ma baling ngen Enoki owowo ki Ta̱mu̱ta̱dde̱n niko, u̱ku̱we̱ zin enne ne dakdak rugetet, eci Ta̱mu̱ta̱dde̱n uwe nonno.

²⁵ Baling abak Methuselah kizeto e̱rki̱to̱wa̱ o̱bo̱n co̱de̱ ki moten tu̱rge̱ ki turgerem (187), i̱ti̱rra̱ ngerinne ci een Lamech.

²⁶ Baling ize enne be̱e̱ti̱ Lamechi, abak zin bo̱do̱k Methuselah zee kizeto e̱rki̱nya̱ obet turgerem ki moten tu̱rge̱ ki ram (782), i̱ti̱rra̱ bo̱do̱k logoz ki buuwecci u̱gge̱ dee,

²⁷ kar zin Methuselah ka̱da̱k ngati izeto e̱rki̱to̱wa̱ do̱o̱k obet torkoc ki moten torkonom ki torkoc (990).

²⁸ Baling abak Lamechi kizeto e̱rki̱to̱wa̱ o̱bo̱n co̱de̱ ki moten tu̱rge̱ ki ram (182), i̱ti̱rra̱ ngerinne,

²⁹ kar zin kakatek zar cik een Nowa, kar kize ne “Anyahakket atin do̱le̱c cu ti̱ri̱ze̱ne̱t ki u̱yu̱bi̱ ngati ka̱li̱ngli̱nge̱ todowai balik otor Manyi Ta̱mu̱ta̱dde̱n ke̱.”

³⁰ Ma baling i̱ti̱rra̱i̱ Nowa, abak zin Lamechi e̱rki̱nya̱ obet tu̱r ki moten torkoc ki tu̱r (595), kar bo̱do̱k ki̱ti̱rra̱ logoz ki buuwecci u̱gge̱,

³¹ kar zin Lamechi ka̱da̱k ngati izeto e̱rki̱nya̱ obet turgerem ki moten turgerem ki turgerem (777).

³² Baling abak Nowa zee kizeto e̱rki̱to̱wa̱ obet tu̱r (500), i̱ti̱rra̱ zin enne logoz i̱i̱yo̱, azi imma zar ne Shem, okko co̱de̱ een Ham kar zin imma bo̱do̱k kize Japheth.