Kananet 36 - Tennet

Tatug ci I̱sa̱u̱

¹ Een icu zoz ci obod ki tatug ci I̱sa̱u̱, azi bo̱do̱k zar u̱gge̱ ne Edom.

² A̱ti̱ya̱ I̱sa̱u̱ ngaai ciginnek doolinne cik lo̱o̱c ci een Kanaan. Zar cik ngaai ciginnek iciko, Adah buweenyi e̱e̱t ci een zara Elon, een i̱do̱ngi̱ wak een Hittites, ki Oholibamah buweenyi e̱e̱t ci een Anah ki buweenyi do̱le̱c cinne Zibeoni, a̱kku̱ enne boore ci Hivite.

³ Kar bo̱do̱k Basemath buweenyi Ismaili ci een ngooni Nebaioth.

⁴ I̱ti̱rra̱k zin Adah I̱sa̱u̱, Eliphaz, okko Basemath a̱rri̱ta̱ Reuel,

⁵ kar Oholibamah ki̱ti̱rra̱ Jeush, ki Jalam ki Korah. E̱e̱ggi̱n ne̱ko̱ do̱o̱k logoz cik I̱sa̱u̱ a̱rri̱ta̱ enne lo̱o̱ce̱ ci Kanaani.

⁶ Uwe zin I̱sa̱u̱ ngaai ki dooli ciginnek cik macik ki cik nga̱a̱ye̱k ki kaal do̱o̱k balik abala enne lo̱o̱ce̱ ci Kanaani ke̱, kar kuk lo̱o̱ce̱ emani reena ngati gotononi Ya̱ko̱bo̱.

⁷ Izeto da̱ kaala cik anyak nege ko̱ meele giir; iróng looci bali aavtte nege ke̱ ngen eleno ki nogo zo̱ze̱ ci lo̱o̱c ci egewe kaala.

⁸ Uk zin I̱sa̱u̱ wa een zara uggak Edom abak biyene cik Seiri.

⁹ Een neci zoz ci obod ki I̱sa̱u̱ be̱e̱ti̱k ol cik een Edom abak biyene cik Seiri.

¹⁰ E̱e̱ggi̱n ne̱ko̱ zar cik logoz cik I̱sa̱u̱: Eliphaz ngerrti ngaa ci een Adah, okko Reueli een ngerrti ngaa wa dici een zara Basemath.

¹¹ Iciko logoz cik a̱rri̱ta̱ Eliphazi: Teman, ki Omar, ki Zepho, ki Gatam, ki Kenaz.

¹² Anyak bo̱do̱k Eliphazi ngaa ci rianto een zara Timna abak bu̱k, a̱rri̱ta̱k enne nonno logozit ci een zara Amalek. E̱e̱ggi̱n ne̱ko̱ dooli cik dooli cik ngaa ci I̱sa̱u̱ wa een Adah.

¹³ Iciko logoz cik a̱rri̱ta̱ Reueli: Nahath, ki Zerah, ki Shammah, ki Mizzah. E̱e̱ggi̱n ne̱ko̱ dooli cik dooli cik ngaa ci I̱sa̱u̱ wa een zara Basemath.

¹⁴ E̱e̱ggi̱n ne̱ko̱ dooli cik I̱sa̱u̱ a̱rri̱ta̱ ngaa ci een Oholibamah buweenyi Anah, kar kize do̱le̱c ci do̱le̱c ci Zibeon, iciko dooli cik a̱rri̱ta̱k enne I̱sa̱u̱: Jeush, ki Jalam, ki Korah.

¹⁵ E̱e̱ggi̱n ne̱ko̱ alaat doolinne cik I̱sa̱u̱: Logoz cik Eliphazi wa een a̱bu̱ ci I̱sa̱u̱: Alaan Teman ki Omar ki Zepho, ki Kenaz,

¹⁶ ki Korah, ki Gatam, ki Amalek. E̱e̱ggi̱n ne̱ko̱ alaat wak a̱rri̱ta̱i̱ ce̱e̱ze̱ ci Eliphazi lo̱o̱ce̱ ci Edomi; e̱e̱ggi̱n nege dooli cik dooli cik Adah.

¹⁷ E̱e̱ggi̱n ne̱ko̱ logoz cik ngerrti I̱sa̱u̱ wa een Reuel: Alaan Nahath, ki Zerah, ki Shammah, ki Mizzah. E̱e̱ggi̱n ne̱ko̱ alaat wak a̱rri̱ta̱ Reuel lo̱o̱ce̱ ci een Edom; e̱e̱ggi̱n nege dooli cik doolik I̱sa̱u̱ a̱rri̱ta̱ ngaa ci een Basemath.

¹⁸ Logoz cik a̱rri̱ta̱ ngaa ci I̱sa̱u̱ een zara Oholibamah: alaan Jeush, ki Jalam ki Korah. E̱e̱ggi̱n ne̱ko̱ alaat wak a̱rri̱ta̱ dooli cik doolik I̱sa̱u̱ ngati ngaa cinne Oholibamah wa een buweenyi Anah.

¹⁹ E̱e̱ggi̱n ne̱ko̱ logoz cik I̱sa̱u̱, azi bo̱do̱k zar u̱gge̱ ne Edom, e̱e̱ggi̱n ne̱ko̱ alaat cigge̱k.

²⁰ E̱e̱ggi̱n ne̱ko̱ logoz cik Seiri boore ci Horites, abak lo̱o̱ce̱ ci Edomi: Lotan, ki Shobal, ki Zibeon ki Anah,

²¹ ki Dishon, ki Ezer, ki Dishan. E̱e̱ggi̱n ne̱ko̱ dooli cik Seiri ngati Edomi, e̱e̱ggi̱n nege alaat cik Horites.

²² Iciko logoz cik Lotani: Hori ki Homam. Een Timna ngooni Lotan.

²³ Iciko logoz cik Shobali: Alvan, ki Manahath, ki Ebal, ki Shepho, ki Onam.

²⁴ E̱e̱ggi̱n ne̱ko̱ logoz cik Zibeon: Aiah ki Anah. Een necu Anah bali amuda arrak e̱be̱re̱c ci erenane maama cik a̱bu̱re̱ balala baling egewe enne zi̱gi̱re̱ cik baatinne Zibeon.

²⁵ Iciko dooli cik Anah: Een Dishoni ci maci, okko Oholibamah een ci nga̱a̱ye̱.

²⁶ E̱e̱ggi̱n ne̱ko̱ logoz cik Dishoni: Hemdan, ki Eshban, ki Ithran, ki Keran.

²⁷ Iciko logoz cik Ezer: Bilhan ki Zaavan, ki Akan.

²⁸ Iciko logoz cik Dishani: Uz ki Aaran.

²⁹ E̱e̱ggi̱n ne̱ko̱ alaat cik Horites: Lotan, ki Shobal, ki Zibeon, ki Anah,

³⁰ ki Dishon ki Ezer, ki Dishan. E̱e̱ggi̱n nege alaat cik Horites ki ming abak nege booryowe lo̱o̱ce̱ ci Seiri.

Alaat cik lo̱o̱c ci Edomi

³¹ E̱e̱ggi̱n ne̱ko̱ alaat balik abal lo̱o̱c ci een Edom baling ngen alaani imma ci Israilo kabal lo̱o̱c neci, zar cigge̱k iciko:

³² Bela ngerrti Beor ize alaan ci abal Edom. Akannek orog cinne a̱ddi̱ki̱re̱ zar cik een Dinhabah.

³³ Baling a̱da̱k Bela, i̱ki̱ya̱ zin Jobabi ngerrti Zerah o̱rge̱ ci een Bozrah ize alaan.

³⁴ Baling okko Jobabi a̱da̱i̱, ize zin Hushami ci a̱kku̱ lo̱o̱ce̱ ci azi zar ne Temanites ko̱ alaan.

³⁵ Baling okko Hushami a̱da̱i̱, aragiz zin Hadadi ngerrti Bedad alaanzet, ommog zin da̱ enne illawa ol cik een Midian lo̱o̱ce̱ ci Moabi. Akannek zin orog cinne zar cik een Avit.

³⁶ Baling a̱da̱k alaani Hadadi, aragiz zin Samlah ci a̱kku̱ o̱rge̱ ci een Masrekah ngintinne ize alaan.

³⁷ Baling a̱da̱k alaani Samlah, aragiz zin Shauli ci a̱kku̱ o̱rge̱ ci een Rehoboth aave more ci a̱ddi̱ki̱re̱ kize alaan.

³⁸ Baling okko alaani Shauli a̱da̱i̱, aragiz zin Baal Hanan ngerrti Achbor ngintinne ize alaan.

³⁹ Baling a̱da̱k alaani Baal Hanan ngerrti Achbori, aragiz zin Hadadi ngintinne ize alaan. Akannek orog cinne zar cik een Pau, ovvo zara cik ngaa cinne e̱e̱ggi̱n Mehetabel buweenyi Matred, wa een buweenyi Me-Zahab.

⁴⁰ E̱e̱ggi̱n ne̱ko̱ alaat wak a̱vvu̱ biilete ci I̱sa̱u̱, iciko zar cigge̱k e̱he̱rye̱ tatugete ki lo̱o̱co̱we̱ cik aavtte nege: Timna, ki Alvah, ki Jetheth,

⁴¹ ki Oholibamah, ki Elah, ki Pinon,

⁴² ki Kenaz, ki Teman, ki Mibzar,

⁴³ ki Magdiel, ki Iram. E̱e̱ggi̱n ne̱ko̱ ba̱li̱ye̱ alaat cik Edomi, e̱he̱rye̱ ki ngintik abahe nege. Een necu zoz ci I̱sa̱u̱ be̱e̱ti̱k olli Edomi.