Yakobo 5 - AKITUTUKET NAKITETET (NEPEPEKA ISABULIN KA AWARAGASIA)

Akikwenyar lu ebarito

¹ Bobo kipokona, osi itung'a lu ibarito, kopuputu eong'! Komonyata ka akilulu kuju kanukarokok kanu ebuto kuju kus!

² Aboso abara kus, anyamata ikajekelu inagai kus.

³ Arapia ekutu esawabu ka epuesa kus, bobo ekutu lo erauni akitodiaret kama kus, bobo ebuni akinyama akiring' kus bala akimi. Idokoto osi abara ka apasrasia kanuka esial.

⁴ Mam osi kitacito ng'ulu lu isomaete imanikoria kus. Kopuputu akimonyo kes! Akimonyo kang'ulu kalu edwenyete adolo akii ka LOKAPOLON loka apedor kere.

⁵ Akijar kus aka akwap kana eleleba abara ka akote nuka akwan. Itutumata osi ikulopek awate kus kanuka apaaran naka atubo.

⁶ Idautu osi atubokin ka akiyara itung'a lu emam akiro, bobo mam kesi akirebokin osi.

Atitinyu Nepepe ka Akilip

⁷ Kotitinyoko, ikanacana ka akanacan kang', adolore na ebunia Lokapolon. Kong'olek ekipone lo etitinyor ekakoruon idarit emanikor keng' akiraikin araito nuka etyae kalo epolon. Idarit nesi ka atitinyu akiru naka aiporo kiton naka atan.

⁸ Ejii osi de atitinyu. Kikiasi amunokina kus kuju, naarai aaput apaaran na ebunia Lokapolon.

⁹ Mam ang'urianakin, ikanacan ka akanacan kang', tetere Akuju mam kitubokin osi. Apu ekatubonokinan, elokokina atakanun.

¹⁰ Ikinacana ka akanacan kang', kitutete ikadwarak lu abutu kinerata ka okiror ka Lokapolon. Koyaasi kesi kwape kalu kitodikito atitinyu kotoma ocani.

¹¹ Inyarito oni kesi lu elakara naarai abutu kesi kotitinyorosi. Irarito osi atitinyu ka Ayubu, ijenete osi ekipone lo edaria Lokapolon nesi kosial. Naarai Lokapolon ileleba akitim kiton asianut.

¹² Kuju kang'unu kere, ikanacana ka akanacan kang', mam eyapo isumunikin ibore. Mam akiapo na itumunikina ijo. Mam akiyapo ka ekiror ka akuju kere ka akwap kere ibore ice. Kotema “Eebo” icamuut ijo ko otau kon, kotema “Mam” imam ijo kicamuut ko otau kon. Kong'in mam ijo kibuni atubokino ka Akuju.

¹³ Ejii ipede kama kus ni ejii ocani? Ejii ijo akilip. Ejaasi ipede kama kus lu elakara? Kirukoto ikurukesnei luka akitama.

¹⁴ Ejaasi ice kama kus lu edekasi? Konyarautu imojong' ka ekanisa, lu ebunete akilipanakin kesi bobo akinyonyo kesi akinyet nako alive kokiror ka Lokapolon

¹⁵ Akilipa na ilipite kotoma akiyuun itang'aleuni luka dekaka; inyakakini Lokapolon kesi akijar, erimakino arokusio nu kisomato kesi.

¹⁶ Kanuka ng'unu, kolimonokinosi arokusio kus kama kus ka ikulopek, kilipanakinosi, tetere itang'aleuno osi. Akilipa naka itwan kani edolit ejaasi ka alang'iru na epolo.

¹⁷ Arait Elija etung'anan bala oni. Abu nesi kilipi noi ebe mam akiru adore, mam akiru adore ikaru iuni ka atutubet.

¹⁸ Kosodi nesi akilip bobo, kobukuni akuju akiru keng', kosodi akwap akitopoloun iraito.

¹⁹ Ikanacan ka akanacan kang', kere kepaya ipede kama kus ka abeit, kosodi ipe akinyakuni kesi bobo,

²⁰ kiitutu nu: Ng'ini ni inyakuni ni isomata arokusio alomuni korotini luka arokusio keng', etajara emoyo ka nika arokusio ka atwanare ka ayauni akitimi naka arokusio nu ipu.