Isabulin 93 - AKITUTUKET NAKITETET (NEPEPEKA ISABULIN KA AWARAGASIA)

Akuju ejakait

¹ Erait Lokapolon ejakait. Enapit nesi apolou nepepe ka agogong'. Epesikina akwap icasit baaba kalaro, mam kebeikino akisukunyaar.

² Ajaikin ekicolong' kon loka akipuga icasit Okwai Akuju ape kageunet, bobo ijii ijo ering'a kesubuna akwap.

³ Ikiarit akaale acela keng', Okwai Lokapolon; ikiarit akaale acela keng' kuju noi.

⁴ Ipugae Lokapolon noi kokuju, ejaasi nesi ka agogong' adepar agiro ka akare, ejaasi nesi ka agogong' adepar ikokoron luka akipi.

⁵ Ikisila kon Lokapolon mam kejaasi ka esial, bobo erait Etogo kon lokalaunan noi, ikaru kere.