Isabulin 82 - AKITUTUKET NAKITETET (NEPEPEKA ISABULIN KA AWARAGASIA)

Akuju, Lokepugan lo Epolo Noi

Ekiruke ka Saf.

¹ Epolokiit Akuju ebarasa keng'; etubonokini nesi ka atuket ka akujun.

² Akitodolo iwori itolosito osi atubonokin itung'a emam adolite, ka aminuute itung'a luka arokusio?

³ Kisomakisi lukapalapalak ka ikokiok nu itemokina akisomakin kesi; kisomaki lukapalapalak kang'ulu kalu inuyarite nu edolito.

⁴ Koyuutu lukapalapalak kalu ejaasi ka akadadu; koyuutu kesi alomun kamaka luka arokusio.

⁵ “Mam kejenete, mam kejaasi ka acoa, elosiete kakirionus; ejang'ijang'i apeteta kijokin nuka adolite kakwap.

⁶ Katemari eong', ‘Iraito osi akujun. Iraito osi kere idwe ka Akuju kalo Eliliara Noi.’

⁷ Konye itwakete osi bala itung'a; edaun akijar kus bala naka ejakait kere.”

⁸ Konyou Okwai Akuju, kotubonok akwap; akwapin kere eraito nukon.