Isabulin 8 - AKITUTUKET NAKITETET (NEPEPEKA ISABULIN KA AWARAGASIA)

Akibusesu ka Akuju ka Ejautene lokajokan ka Etung'an

Nama kalo epolokiit ekiruke: Atupa ka Gitit. Ekiruke ka Daudi.

¹ Okwai Lokapolon Akuju kosi, etakani apolou kon ka akwap kere! Akitur kon edoli kuju;

² idwe nepepe ka imuker nes irukononosi. Ikuit ijo kamaka ipading'atin kon kere; irebokini ijo itwan kere ni itepegi ijo. Ang'oliari eong' kuju obibiru nama ijeuni ijo,

³ Na ang'oliara eong' kuju, asoma nuka ibokoro kon, elapa nepepe ka akanyer nu igwakit ijo alarosinoi kes

⁴ Inyena konye etung'anane lo iwomowomoe ijo kuju kes; iboro lu etwakete along'u, ebe nes ipodo ijo kuju kes?

⁵ Konye ibu ijo kosub kesi ejaasi kwap kon bon; kitanap ijo kesi akibusesu nepepe ka ayong'ara.

⁶ Ibu ijo koseu kesi apolokiite ng'ini ibore ni kibu ijo kosub; ibu ijo kipiak kesi apolokiite ng'in ibore:

⁷ Amerekekin ka akituk nepepe ka ityeng' luko moding'

⁸ ikwenyi ka ikole nepepe ka iboro lu ejarete lu ejaasi toma akipi.

⁹ Okwai Lokapolon, Akuju kosi, etakani apolou kon ka akwap kere!