Isabulin 75 - AKITUTUKET NAKITETET (NEPEPEKA ISABULIN KA AWARAGASIA)

Akuju ekatubonokinan

Nama kalo epolokiit ekiruke: Atupa ka ekiruke lo ebala Mam Amudiar Siong'. Ekiruke ka Asaf.

¹ Kinakinete siong' ijo akiyalama, Okwai Akuju; kiyalamikinete siong' ijo! Kilimorete siong' ekipone lo ipolore ijo bobo ka alimor kuju ka iboro luka aumosit lu isoma ijo.

² Ebala Akuju, “Egwaaki eong' apak nakatubonokin. Bobo abuni eong' atubonokin ka abeite”

³ Atikere kiceku ng'in ibore ni ejari, bobo kijang' ajang'akine akwap alope, esicasi eong' apeteta keng'.

⁴ Alimonokini eong' lukarokok “kinyekisi epogi,

⁵ alimonokini eong' kesi kinyekisi epogi kes.”

⁶ Atubonokino mam kelomuni ko kide kere de ko too, ko agolitomei kere de kong'alakimak;

⁷ erait Akuju nes ekatubonokinan, eyeni ice kajalanikin ice.

⁸ Irumit Lokapolon ekikopot ka akan keng', ilelebite ebino lo icasit loka anyunyura keng'. Ebukini nesi, kosodete lukarokok kere akimat; emasete kesi akitodol na edaunere kere.

⁹ Konye mam eong' kenyekini ejori kuju ka Akuju ka Yakobo kere akiturite nesi.

¹⁰ Ebilibilari nesi agogong' kalukarokok, konye agogong' kalu edolito iyatakino.