Isabulin 56 - AKITUTUKET NAKITETET (NEPEPEKA ISABULIN KA AWARAGASIA)

Akilip naka amunokiite Akuju

Nama kalo epolokiit ekiruke: Atupa ka ikaburukuku kuju ka iterebintin lu elwaka. Amiktam ka Daudi, na kikamunata Ifilistayon nesi ko Gat.

¹ Okwai Akuju, kosiana naarai kalomikiite eong'; kesicanete eong' ipading'atin kang' ng'ini pak.

² Kalomikiito eong' ipading'atin kang' apaaran kere. Ipuwaka luketijiete eong'.

³ Okwai Lokapolon loka Apedor na akurianare eong', epiakini eong' amuno kang' nama kon.

⁴ Amunokiit eong' Akuju bobo mam eong' kakuriana; eturi eong' nesi kanu esumunik nesi. Inyena ebeikini itwan along'u akisomakin eong'?

⁵ Kesicanete eong' ipading'atin kang' apaaran kere; ng'ini pak itemetemete kesi ekipone loka aking'asa eong'!

⁶ Etukonokinosi kesi nama eng'opienenere kosodete akitere ng'ini ibore ni esomae eong', ekotosi kesi akiyara eong'.

⁷ Kitisila kesi, Okwai Akuju, kanuka aronus kes; kilanya itung'a ng'ulu kotoma anyunyura kon!

⁸ Ijeni ijo ekipone lo ecanare eong'; ing'adaki ijo etyae ka akiyo kang'. Mam kesi kigirite toma okitabo kon?

⁹ Apaaran na anyarauna eong' ijo, ireng'iaro ipading'atin kang'. Ajeni eong' nu: Ejii Akuju wai kang —

¹⁰ Lokapolon lo eturi eong' asumuneta keng'.

¹¹ Amunokiit eong' nesi, bobo mam eong' kakurianari. Inyena ebeikini etung'anan along'u akisomakin eong'?

¹² Okwai, Akuju kadusi eong' ijo nu esumuniki eong'; ainakini eong' ijo idutan kang' luka akiyalama,

¹³ kanu kilakuna ijo eong' katwanare ka akirebokin kilanyai eong'. Kanuka ng'un, alosi eong' koking'aren ka Akuju, kotoma acaus na ecakiit lu ejarete.