Isabulin 47 - AKITUTUKET NAKITETET (NEPEPEKA ISABULIN KA AWARAGASIA)

Lokepugan lo itelekarit

Nama kalo epolokiit ekiruke. Ekiruke ka isapa ka Kora.

¹ Koramakisi akanin, itung'a kere! Kituruoto Akuju koporotoi kalu ikiara!

² Naarai Lokapolon, lo Eliliara noi itukuriani; ejakait lo epolo ka akwap kere.

³ Abu nesi kipiak itung'a kwap wok; bobo akwapin kwap ka akejene wok.

⁴ Abu nesi kosek oni akwap, na erait edel ka itung'a keng', lu emina nesi.

⁵ Aika Akuju kuju ecela, Lokapolon aikasi ka aruore naka arupepe.

⁶ Kituroto Akuju; kituruoto! Kituruoto Ejakait kituruoto.

⁷ Naarai erait Akuju ejakait loka akwap kere; keturoto nesi ka ekiruke!

⁸ Ipugae Akuju akwapin; Iboe Akuju kokicolong' keng' ka Lokalaunan.

⁹ Etukokinosi lu ipugaete akwapin bala itung'a ka Akuju ka Abraam. Naarai ibukui luka akwap eraito luka Akuju; ikiarite nesi kuju noi!