Isabulin 43 - AKITUTUKET NAKITETET (NEPEPEKA ISABULIN KA AWARAGASIA)

Akilip kani ejii ong'atune

(Akitolosite ka Isabulin 42)

¹ Okwai Akuju, kotema emam eong' aronus, bobo kigang'ai eong' kamaka itung'a kalukarokok; koyuune eong' kamaka itung'a kalu ing'alaete ka lukarokok!

² Ijo nes lokedaran kang'; inyo inyekina ijo eong'? Inyo etolositere eong' akinyama ican kamaka ipading'atin kang'?

³ Kijuk acaus kon nepepe ka abeite kon; kenyek kesi king'arenikisi eong' bobo akinyakun eong' Sayon, omoru kon lokalaunan, ka Otogo kon nama iboya ijo.

⁴ Kanuka ng'unu alosi eong' altari kon, Okwai Akuju; ijo nes irait nama elomuutere alakara kang'. Aboliakini eong' arupepe kang' kasodi akirukokin akiturite ijo, Okwai Akuju, Akuju kang'.

⁵ Inyo emoyo kang' ituuria ijo kona? Inyo ecanare eong' kona kotoma kang'? Komunok Akuju, naarai abuni eong' akitur nesi bobo, lokeyynan kang' ka Akuju kang'.