Isabulin 3 - AKITUTUKET NAKITETET (NEPEPEKA ISABULIN KA AWARAGASIA)

Akilip naka ataparacu naka akilip aking'arasit

Asabulit ka Daudi, ekeri nesi kamaka okoku keng' Absalom.

¹ Okwai Lokapolon, etiasi ipdangatin ka ai! Ipu noi luka ang'erito eong';

² ipu lu ebalasi kuju kang', “Emam aking'arasit kanu keng' kamaka Akuju.”

³ Konye ijo Lokapolon irait ebuku kang'; akibusesu kang' bobo lokekiaran akou kang'.

⁴ Amonyakini eong' keporoto kaloko kuju Lokapolon, kosodi nesi abong'okin eong' alomun komoru keng' ka Lokalaunan.

⁵ Aperi eong' kokwap kasodi ajotor; akwenyuni eong' bobo, naarai kedari Lokapolon eong'.

⁶ Mam eong' kakuriana itung'a aritai atomon lu aseutu areite eong' kang'olo wai.

⁷ Konyou, Okwai Lokapolon! Koyuune eong', Okwai Akuju kang'! Naarai inomi ijo ipading'atin kang' kere ekitinyot, ilokori ijo ikiala kalukarokok.

⁸ Ayuuno erait naka Lokapolon; kisirereng' nesi itung'a keng'.