Isabulin 27 - AKITUTUKET NAKITETET (NEPEPEKA ISABULIN KA AWARAGASIA)

Akilip naka akitur

Ekiruke ka Daudi.

¹ Erait Lokapolon acaus kang' ka lokeyuunan kang'; mam eong' kabuni akurianaar itwan ipede. Kedari eong' Akuju kamaka ng'in akang'as; mam cut eong' kabuni akurianu.

² Na itijiyata eong' itung'a lukarokok ekotosi akiyara eong', ebunete kesi akigukin ka akibiror kwap.

³ Atikere kirimokit ajore kere eong', mam eong' kakurianaar; atikere kelomikisi eong' ipading'atin, abuni eong' akitolosit amunokiite Akuju.

⁴ Elipi eong' Lokapolon ibore ipe; ibore ipe bon nes akote eong': Akiboi ko Otogo ka Lokapolon apaarasia nuka akijar kang' kere, akitere ajokus keng' ka akilipite nesi kitodik eong' nu itemokina asoma.

⁵ Kapaarasia kanuka icani ebuni nesi akidara eong'; ebuni nesi akidara eong' kojokan ko Otogo keng' ka ainakin eong' akuite ka amoru kana ikiara.

⁶ Kanuka ng'un abuni eong' akilanya ipading'atin kang' lu imanakiito eong'. Abuni eong' akileme isuban ko Otogo keng' ajaasi eong' ka ailel; abuni eong' ekiruke, abuni eong' akiturite Lokapolon.

⁷ Kiira eong' Lokapolon anyarit eong' ijo! Kisoni eong' bobo kobong'okine eong'!

⁸ Na itemara ijo, “Kobuu kimaa eong',” Abu eong' kenyaku, “Abuni eong', Lokapolon.”

⁹ Mam ang'opikin eong'! Mam anyunyurakin eong'; mam aking'ere lokejaanakin kon. Ijaikin ijo irait lokeng'aranakinan eong'; mam akinyekin eong', mam aking'er eong' Okwai Akuju, lokeyuunan kang'.

¹⁰ Ebeikinete papa kang' ka toto kang' aking'er eong', konye ebuni Lokapolon akidar eong'.

¹¹ Lokapolon, kisisianak eong' nu ikote ijo kesoma eong', kitoodik eong' eroto lo ejokuna naarai ajaasi eong' ka ipading'atin lu ipu noi.

¹² Mam akinyekin eong' ka akanin ka ipading'atin kang', lu kalomikiito eong' kaliokonu nepepe ka akitukurian.

¹³ Amunokiit eong' ebe abuni eong' akijar ka anyun ajokus ka Lokapolon kakwap kalu ejarete.

¹⁴ Komunoki Lokapolon. Kojaasi ka akiyuun, mam akipasa. Komunoki Lokapolon.