Isabulin 142 - AKITUTUKET NAKITETET (NEPEPEKA ISABULIN KA AWARAGASIA)

Akilip naka akote aking'arasit

¹ Eworoe eong' Lokapolon king'arak eong'; emaemae eong' nesi.

² Ainuni eong' nesi amonyeta kang' kere alimonokini eong' nesi icani kang' kere.

³ Alokokina eong' akipasa, ejeni nesi ibore ni itemokina eong' asoma. Korot kalo etorit eong', egwaata ipading'atin kang' eloket loka akikamun eong'.

⁴ Na ang'olekina eong' wai kang', Etee eong' ebe emam itwan nikeng'arakini eong', emam itwan ni igang'i eong'. Emam itwan epodo kuju kang'.

⁵ Amonyakiit eong' ijo Lokapolon king'araki eong'; erait ijo Lokapolon nesi lokedaran kang'; ijo nes ng'in ibore ni akote ka akijar kana.

⁶ Kiira akimonyo kang' naka akote aking'arasit, naarai elumor eong' kocan. Koyuune eong' kamaka ipading'atin kang'; icasito kesi kama kang' noi.

⁷ Kolacune eong' kocani kang'; kasodi eong' akiturite ijo ka atuket ka itung'a kon kanuka ajokus kon kama kang'.