Isabulin 14 - AKITUTUKET NAKITETET (NEPEPEKA ISABULIN KA AWARAGASIA)

Aronus ka etung'anan

Nama kalo epolokiit ekiruke. Loka Daudi.

¹ Ebalasi ibang'aisik ebe, “Emam Akuju.” Eroko kesi kere, bobo esomata kesi iboro lukarokok; emam itwan ipede isomae ibore ni ideere.

² Itee Lokapolon itung'a ko kwap ejii kuju anyun kejaasi ipede lu ecoaka, ipede lu emaete nesi.

³ Konye apacasi kesi kere; eroko kesi kere. Mere ipede kama kes isomae nu ideerete, mere ipede bon.

⁴ Ing'isit Lokapolon, “Mam kesi kejenete? Ewolito itung'a lu kere lu isomaete arokusio? Ejarete kesi ka akideme itung'a kang', bobo emam kesi kilipete eong'.”

⁵ Konye ebunete kesi ariang'un, naarai ejaasi Akuju ka ng'ulu lu eyong'ito nesi.

⁶ Itung'a lukarokok emunauto akitemitemisio kalu epalipalito, konye Lokapolon nesi idari kesi.

⁷ Elipit eong' noi kobuu alakuno nama ka itung'a kaluko Israel alomun ko Sayon. Ikote itung'a luko Israel elakarosi ai na einakina Lokapolon kesi akibara bobo!