Isabulin 132 - AKITUTUKET NAKITETET (NEPEPEKA ISABULIN KA AWARAGASIA)

Iturio Etogo ka Akuju

¹ Lokapolon, mam akimuruokin Daudi nepepe ka icani kere lu abu nesi kikany.

² Kiitu, Lokapolon, nu abu nesi kisumunik, eyapo lo abu nesi kisumunik osi, Akuju loka Apedor loka Yakobo:

³ “Mam eong' kalosi ore kere de apetat;

⁴ Mam eong' keyeng'uni kere kajotoor,

⁵ akitodol na adumakina eong' Lokapolon alaro, etogo loka Akuju loka Agogong' loka Yakobo.”

⁶ Ko Bethlehem, abutu siong' keirasi kuju ka abokis kana ejii Akitutuket ka Akuju toma, bobo kadumunete siong' ka amaata nuka Yearim.

⁷ Abutu siong' katemasi, “Kaloto Otogo ka Akuju; kemaata koking'aren ka ekicolong' keng' loka akipuga.”

⁸ Konyou, Okwai Lokapolon, koloto alaro kon nama iboyanana ijo, ijo nepepe ka abokis naka akitutuket ka Akuju na erait agogong' kon.

⁹ Kisomata isaseredootin kon ng'in pak nu itemokina; kirukoto itung'a ka ailel!

¹⁰ Ibu ijo kisumunik lokejaanakinan kon Daudi; mam aking'er ejakait kon loseuna, Lokapolon.

¹¹ Ibu ijo koinaki Daudi asumunet, asumunet na imam ijo kinyakari: “Etarauni eong' ipe kamaka isapa kon ejakait, bobo ebuni nesi akipuga kidau ijo.

¹² Kericakata idwe kon akitutuket kang' kanu esisianakini eong' kesi, ebunete idwe kes de araun ijakaa bala ijo.”

¹³ Aseu Lokapolon ere lokapolon loko Sayon, ekote nesi korau ijo nama iboya nesi:

¹⁴ “Ne nes nama abuni eong' akiboi ikaru kere, ne nes nama akote eong' akipuga.

¹⁵ Abuni eong' ainakin Sayon ng'ini ibore ni ekote nesi; abuni eong' akisimonikin lukapalapalak keng'.

¹⁶ Abuni eong' akisulwanyikin isaseredootin keng' kang'in ibore kani isomaete kesi, bobo ebunete itung'a keng' ekiruke ka acela kalakara.

¹⁷ Etarauni eong' kane epe kamaka auri ka Daudi ejakait lo epolo noi; kane, edeuni eong' apugan naka ejakait kang' kaloseuna.

¹⁸ Abuni eong' arapakin ipading'atin keng' kasilut, konye ebuni apugan keng' akitoloto kojokan.”