Isabulin 129 - AKITUTUKET NAKITETET (NEPEPEKA ISABULIN KA AWARAGASIA)

Akilip naka akirebokin lukasurup ka itung'a luko Israel

¹ Israel, kolimok siong' ekipone lo esicanata ijo ipading'atin kon ape kekiditeu kon.

² “Ape ka akiditeu kang', kesicanata eong' ipading'atin kang' koronon konye mam kilanyito eong'.

³ Abutu kesi kinyekisi ajimii kokau kang' ka akitaraun bala emanikor lo ekorite.

⁴ Konye Lokapolon, lo edolit alaku eong' ka aenis.”

⁵ Kinyek kilanyai ng'in kere ni ekadakiit Sayon, bobo kireng'iare.

⁶ Kinyek koputokinosi kesi kere ka inya lu epoloete kobibiru ka itogoi lu ewokete ering'a kepolouna;

⁷ emam itwan etuki kesi kere de edaki kesi katukon.

⁸ Emam itwan ni etubor ebuni atemar, “Kisulwanyik Akuju ijo! Kisulwanyikinete siong' ijo kokiror ka Lokapolon.”