Isabulin 126 - AKITUTUKET NAKITETET (NEPEPEKA ISABULIN KA AWARAGASIA)

Akilip kanuka alakunio

¹ Na enyakuna Lokapolon siong' Yerusalem, arait bala eruja!

² Abutu siong' kakwenata, abutu siong' kerukoto ka ailel! Kosodete akwapin nuce atemar kuju kosi, “Kebu Lokapolon kisomaki kesi iboro lukapolok.”

³ Teni, abu nesi kisomaki siong' iboro lukapolok; ajaasi siong' ka alakara noi!

⁴ Lokapolon, koinaki siong' ketolototo kojokan bobo, kwape inyakunana akiru akipi akawoi nukewonikisi.

⁵ Kinyeki ng'ulu lukemonyito nakeyaata kesi ikinyomo kes, kotukoto adwenyata kes kalakara!

⁶ Ng'ulu lukemonyete elosiyorito king'a edakito ikinyom ebong'unete irukosi ka ailel, eyauto kesi idwenyan.