Isabulin 122 - AKITUTUKET NAKITETET (NEPEPEKA ISABULIN KA AWARAGASIA)

Itamao Yerusalem

¹ Abu eong' kalakar na alimokinata kesi eong', “Kalototo Otogo ka Lokapolon.”

² Kipokona ijaasi oni ne, igwoete oni kotoma oruten ka Yerusalem!

³ Erait Yerusalem ere lokapolon lo eteteun kokipone kalokajokan nepepe ka aipuc.

⁴ Ne nes nama ebunenete itekerio, itekerio luko Israel, akiyalamikin Lokapolon atupa ka acorasit keng'.

⁵ Kane, abutu ijakaa luko Israel kiboikinosi atubonokin itung'a kes.

⁶ Kilipata kanuka aipuc nako Yerusalem: “Kitolototo kojokan ng'ulu lu imina ijo.

⁷ Kojaikin aipuc toma arwatan kon bobo kojii aipuc toma otogoi lu ejaasi toma kon.”

⁸ Kanuka ajena kang' ka ipoupatin kang' alimokini eong' Yerusalem, “Aipuc kojaasi ka ijo!”

⁹ Kanuka etogo ka Lokapolon, Akuju wok elipit eong' king'araki ijo eong' ketoloto kojokan.