Isabulin 112 - AKITUTUKET NAKITETET (NEPEPEKA ISABULIN KA AWARAGASIA)

Alakara naka itwan kanikajokan

¹ Kiturwoi Lokapolon! Erereng' itwan ni eyong'it Lokapolon, ni elakara ayong'ite ikisila ka Lokapolon.

² Ebunete idwe ka itwan kanikajokan ajaus ka agogong' ka akwap; isulwanyikino auri keng'.

³ Ebuni ekale keng' akibar, bobo ebuni nesi akitolot kojokan ikaru kere.

⁴ Ebuni akolong' acakiite itung'a lukajokak ka akirionus, ng'ulu lu ejaasi ka asianut, ng'ulu lu ejooka kalu isomaete nu itemokina.

⁵ Ejaasi ka asulwany itwan ni ikopanakini itung'a emam kekote ibore ipede iyatakina kuju; itwan ni isomae asoma keng' kokipone kalo edolit.

⁶ Mam cut kilanyio itwan ni edolit, ideun ng'ini iitunono nesi ikaru kere.

⁷ Mam nesi kekuriana akiro nukarokok; ejaasi nesi ka etau kalo icasit, bobo itee nesi Lokapolon Akuju.

⁸ Icasit nesi ko otau, bobo mam nesi kekurianaar; ebuni nesi anyun ipading'atin keng' ilanyio.

⁹ Elemi nesi kalakakina, eleminikini nesi lukapalapalak; ajokun keng' erait naka ikaru kere. Agogong' keng' itamao kayong'ite.

¹⁰ Iteete lukarosio nu kosodete akadakin; enyakaete ikial ekadakiito kosodete awoli, nu ekote itwan nikarokusio edaunonosi along'u.