Isabulin 100 - AKITUTUKET NAKITETET (NEPEPEKA ISABULIN KA AWARAGASIA)

Ekiruke loka akiturite

Ekiruke kanuka ileman luka akiyalama.

¹ Kirukokisi Lokapolon, akwapin kere!

² Kimaata Lokapolon ka ailel! kobuutu nama keng' ka ikirukesinoi luka alakara!

³ Kojenutu ebe erait Lokapolon nes Akuju. Nesi nes asubi oni, kanuka ng'un iraito oni itung'a keng'. Iraito oni amerekekin nu ijokie nesi.

⁴ Kitoroto orutei ka Etogo ka Akuju ka akiyalama, kolomata akalapatan keng' ka akiturite. Kiyalamikisi nesi bobo kiturwoto nesi.

⁵ Ejokuna Lokapolon; emam amina keng' esial, bobo amuno keng' erait naka auri kere.