1 Ikorinton 7 - AKITUTUKET NAKITETET (NEPEPEKA ISABULIN KA AWARAGASIA)

Aking'iseta kuju ka Emanyit

¹ Ikamuto akiro nu igirito osi, ejokuna emam etwan kemanyi.

² Konye kanuka atamisio asoma iponosio lukarokok, ng'olo etwan ejii ajaus ka aberu keng' kosodi ng'in aberu kalo keng' ekiliokit.

³ Ejii ekiliokit ainakin aberu keng' adolite keng' naka akwana, aberu de kong'ipe kong'in namaka okilen keng'.

⁴ Naarai mam aberu kipisi akwana na keng' bon, konye ekilokit ipisi; kong'ipe kong'in mam ekilokit de kipisi akwana keng' konye aberu nesi isomae.

⁵ Mam akimikanakin, adepar kiirara osi ka apak kace tetere idumunete osi apak naka akilipi. Kidautu osi kogeutu bobo ajena naka akwana. Kokipone kalo ikuyete osi akilomo toma atamasio nuka Asatanit kanuka anonoku kus.

⁶ Nu enera eong' nu etupa ka akiirar kus mere akicorakinet.

⁷ Akote eong' osi iputokina ka eong'. Konye ng'in itwan einakite nikeng' idutat alomun kamaka Akuju, ice nika ekipone kalo ice nika ekipone kece.

⁸ Nama kalu mam kemanyito kiton apuseru abala eong' ejokuna kesi akideun bon kwape edeunere eong'.

⁹ Konye kemam kesi kebeikinete atitikin, ejokuna kesi akimanya. Naarai ejokuna akimanya akilanya akinok akimi nakakote aberu.

¹⁰ Nama kalu emanyito ainakini eong' akicorasit, mere eong' konye Lokapolon, ebe aberu mam atiakari kama kekiliokit keng'

¹¹ (konye kisomaki, kinyeki kideun nesi bon kere kiirarosi ka okilen keng') — bobo ekilokit mam alakakin ka aberu keng'.

¹² Nama kaluce abala eong', mere Lokapolon, kejatatar onac epede ka aberu namam kejatatar ka akiyuun, kosodi acamun akijar ka nesi, mam kibusakina nesi alakakin nesi.

¹³ Kejaasi aberu apede ka ekiliokit lo mam kejaasi ka akiyuun, kosodi nesi acamun akiboi ka nesi, mam nesi alakakin ka nesi.

¹⁴ Naarai ekiliokit lo mam kejaasi ka akiyuun itarauno lo idiauni Akuju kotoma aberu keng', kosodi aberu na mam kejaasi ka akiyuun araun na idiauti Akuju kotoma okilen keng'. Kere along'u, tini idwe kus mam kitalauna, konye idiaut Akuju kesi.

¹⁵ Konye kekote ni mam akiyuun atiakari, kinyek kikokin kong'in; kokipone kang'olo mam onac kere kinaci keyenen. Naarai enyaraut Akuju oni toma aipuc.

¹⁶ Aberu, ikon ijo ijenuni ebe iyuuni ijo okilen kon? Ekilokit, Ikon ijo ijenuni ayi ebe iyuni ijo aberu kon ai?

¹⁷ Kinyeki ng'in itwan bon koyaite akijar na kebu Lokapolon kotiaki nesi, kosodi Akuju anyarakin nesi Ekisil kang' lo ko okanisa kere.

¹⁸ Kejii itwan ipede apak naka ang'arauno keng' kedauti atubo? Mam nesi akote alemar akitodiareta nuka atubo. Kejii itwan ipede apak naka anyarauno keng' kemam ketubub? Mam nesi akote atubo.

¹⁹ Naarai mam kerait atubo imarakino ibore ipede konye akidar eikisila ka Akuju.

²⁰ Ng'in itwan ekotokina akideun kokipone lokenyaraunere nesi.

²¹ Kiraito osi ibulesun kinyarauno osi? Mam apodo. Konye kibeikinete osi akinyakun alakakina kus, kitosomata apak ng'in kotenan.

²² Naarai nikenyarauni Lokapolon erait nesi ejolot, erait nesi itwan ka Lokapolon ni elakakina. Bobo ng'ini nikenyarauni Lokapolon elakakina erait nesi ebulesut ka Kristo.

²³ Kigwelite osi ketiai kalo epolo. Mam araun ibulesun ka itung'a.

²⁴ Kanuka ng'unu ikanacana, kideun ng'ini ipe kama kus nepepe ka Kristo ekipone lokijaare ijo nakenyaraunere neri.

²⁵ Ikamuto lu emanyito kipokona emam eong' akicorasit alomun kamaka Lokapolon, konye ainakini eong' osi nu eitunene eong' bala ipe ni isumunikiit asyanut ka Akuju.

²⁶ Eituti eong' atupa kican kalukipokona ejokuna itwan akideun kwape ejare nesi.

²⁷ Imanyit ijo? Mam akote alakakin. Mam ijo kimanyit? Mam akimanya.

²⁸ Konye kimanya ijo mam akisoma aronus, kosodi kemanyakin apese mam kisomaye aronus. Konye lu emanyete ejakinosi kicani ka luka akwap, akote konye eong' akitukuu osi ng'unu.

²⁹ Nu apeleikit eong' ikanacana ebe akolong' na einakite oni aditari; ageun kipokona alosite king'aren, ng'ulu lu ejaasi ka aberu kiboyoto bala mam kejatatar,

³⁰ kosodete ng'ulu lu emonyete bala mam kesi kemonyete, kosodete ng'ulu lu egwelete bala emam kesi iboro,

³¹ kosodete ng'ulu luisomayete kakwap bala emam kesi akiro ka nesi. Naarai akwap na etete oni na etubi.

³² Mam eong' kakote osi ajaus ka akiyalolong'. Etwan lo mam kemanyit iyalolong'i akiro ka Lokapolon, ekipone lo italakara Lokapolon.

³³ Konye etwan lo emanyit iyalolong'i akiro nuka akwap, ekipone lo italakara nesi aberu keng'.

³⁴ Kosodi nesi atiak. Kosodi aberu na mam kemanyakina kere apese akiyalolong' akiro ka Lokapolon, ekipone loka alaus ka akwan kiton emoyo; konye aberu na emanyakina iyalolong'i akiro nuka akwap, ekipone loka akitalakar okilen keng'.

³⁵ Enera eong' nu kanu kus, mam ainakin osi alang'iru konye aitopol ekipone lo elae ka adumun alemuna kus na mam ketiakak kamaka Lokapolon.

³⁶ Kejii ipede iitunene ebe mam nesi kejaasi kiponosio lu elaete kamaka ikanacan keng'. Kicasit amina keng' kojalak nesi kisoma nu ekote: Kojalak kesi komanyakinosi — mam kerait aronus.

³⁷ Konye kedau etwan atiakun kotoma adama keng' mam nesi kemanyi, mam kikurakino, bobo kedaut nesi atiakun ka adama keng' nu ekote asoma — kong'in esoma nukajokak mam akimanya nesi.

³⁸ Kanuka ng'unu etwan lo emanyi esoma nukajokak, konye lo mam kemanyi isomate nukajokak noi.

³⁹ Mam aberu na emanyakina kelakakina ering'a okilen keng' ejari. Ketwaana ekiliokit, elakakina nesi amanyakin ka etwan lo eseuni nesi konye koraite Ekristayot bon.

⁴⁰ Ideuni nesi elakara noi, kideun nesi kwape ejaare. Ekipone lo iitunono ng'oli, nes eitunana eong' ebe eong' de ajatatar ka Emoyo ka Akuju.