1 Ikorinton 13 - AKITUTUKET NAKITETET (NEPEPEKA ISABULIN KA AWARAGASIA)

Amina

¹ Kenere eong' ka ang'ajepa kanuka itung'a kanuka imalaikan konye komam eong' amina, araiti eong' bala edong'ot lo eruo kocela.

² Kere kajaasi eong' ka apedor naka akidwara, ka akijen nu ibwaite kiton akijen kere. Kajasi eong' ka akiyuun kere na ebeikin akisukunyu imoru, konye emam eong' amina, mam eong' karait ibore.

³ Kere ka beikin eong' ainakin itung'a iboro kang' kere konye emam eong' amina, mam ibore ipede adumuni eong'.

⁴ Amina ikanyi bobo esiana; mam amina keding'ana kere kipoga.

⁵ Mam amina kejaasi ka iponosio lukarokok kere ketiono, kere kitakadikini; mam kiguwait nukarokok;

⁶ mam kelelikin aronus konye elelikini adolite.

⁷ Mam amina kepasi. Bobo akiyuun keng', amuno keng', nepepe ka atitinyu keng' mam kedaun.

⁸ Mam amina kedaun; akidwara etubor, ang'jepa edaunos; akijen etubi.

⁹ Naarai akijene wok mam kelae cut kiton akidwara wok.

¹⁰ Konye na ebunia na elae cut, nama kelae cut etubor.

¹¹ Na araitere eong' ikoku, abu kenere bala ikoku, keitunun bala ikoku, kawomowomo bala ikoku, na arauna eong' etwani, abu eong' kenyeki iboro lukidwe.

¹² Kipokona itete oni ka kio imidimidi konye apaaran ng'ini akonyen kakonyen. Kipokona ajeni eong' atutubet, apak ng'ini ajenuni eong' kajokis, kwape kajenunere eong' kojokan.

¹³ Kanuka ng'unu akiyuun, amuno, kamina ideunos konye na epolo kamaka nu erait amina.