ఎజ్రా 2 - పవిత్ర బైబిల్

యెరూషలేముకు తిరిగి వచ్చిన వాళ్ల జాబితా

¹ వీళ్లు బబులోను రాజ్యంలో నిర్బంధం నుంచి తిరిగి వచ్చినవాళ్లు. గతంలో బబులోను రాజైన నెబుకద్నెజరు వీళ్లని బందీలుగా పట్టుకొని, బబులోనుకు తెచ్చాడు. ఇప్పుడు వాళ్లు యెరూషలేముకు, యూదాకు తిరిగివచ్చారు. వాళ్లు తమ తమ సొంత పట్టణాలకి తిరిగి వెళ్లారు.

² జెరుబ్బాబెలుతో పాటు తిరిగివచ్చిన వాళ్లలో యేషూవా, నెహెమ్యా, శెరాయా, రెయేలాయా, మొర్దెకై, బిల్షాను, మిస్పెరేతు, బిగ్వయి, రెహూము, బయనా అనే వాళ్లున్నారు. బబులోను నుంచి తిరిగి వచ్చిన ఇశ్రాయేలీయుల పేర్ల జాబితా, వాళ్ల సంఖ్యల వివరం ఇది:

³ పరోషు వంశస్థులు 2,172

⁴ షెపట్యా వంశస్థులు 372

⁵ అరహు వంశస్థులు 775

⁶ యేషూవ, యోవాబు వంశాలకి చెందిన పహత్మోయాబు, మోయాబు వంశస్థులు 2,812

⁷ ఏలాము వంశస్థులు 1,254

⁸ జత్తూ వంశస్థులు 945

⁹ జక్కయి వంశస్థులు 760

¹⁰ బానీ వంశస్థులు 642

¹¹ బేబై వంశస్థులు 623

¹² అజ్గాదు వంశస్థులు 1,222

¹³ అదొనీము వంశస్థులు 666

¹⁴ బిగ్వయి వంశస్థులు 2,056

¹⁵ అదీను వంశస్థులు 454

¹⁶ అటేరు వంశస్థులు (హిజ్కియా కుటుంబం) 98

¹⁷ బెజయి వంశస్థులు 323

¹⁸ యోరా వంశస్థులు 112

¹⁹ హాషుము వంశస్థులు 223

²⁰ గిబ్బారు వంశస్థులు 95

²¹ బెత్లెహేము పట్నానికి చెందినవాళ్లు 123

²² నెటోపా పట్టణం వాళ్లు 56

²³ అనాతోతు పట్టణంవాళ్లు 128

²⁴ అజ్మావెతు పట్టణంవాళ్లు 42

²⁵ కిర్యాతారీము, కెఫీరా, బెయేరోతు పట్టణాల వాళ్లు 743

²⁶ రమా, గెబా పట్టణాలవాళ్లు 621

²⁷ మిక్మషు పట్టణం వాళ్లు 123

²⁸ బేతేలు, హాయి పట్టణంవాళ్లు 222

²⁹ నెబో పట్టణంవాళ్లు 52

³⁰ మగ్బీషు పట్టణంవాళ్లు 156

³¹ ఏలాము అనే మరో పట్టణంవాళ్లు 1,254

³² హారీము పట్టణంవాళ్లు 320

³³ లోదు, హదీదు, ఓనో పట్టణాలవాళ్లు 725

³⁴ యెరికో పట్టణంవాళ్లు 345

³⁵ సెనాయా పట్టణంవాళ్లు 3,630

³⁶ యాజకులు: యేషూవ కుటుంబానికి చెందిన యెదాయ వంశస్థులు 973

³⁷ ఇమ్మేరు వంశస్థులు 1,052

³⁸ పషూరు వంశస్థులు 1,247

³⁹ హారీము వంశస్థులు 1,017

⁴⁰ ఇప్పుడిక లేవీయులలో హోదవ్యా కుటుంబానికి చెందిన యేషూవా, కద్మీయేలు వంశస్థులు 74

⁴¹ గాయకుల జాబితా: అసాపు వంశస్థులు 128

⁴² దేవాలయపు ద్వారపాలకుల వంశస్థులు షల్లూము, ఆటేరు, టల్నోను, అక్కూబు, హటీటా, షోబయి వంశస్థులు 139

⁴³ దేవాలయపు ప్రత్యేక సేవకుల వంశస్థులు జీహా, హశూపా, టబ్బాయోతు,

⁴⁴ కేరోసు, సీయహా, పాదోను,

⁴⁵ లెబానా, హగాబా, అక్కూబు,

⁴⁶ హాగాబు, షల్మయి, హానాను,

⁴⁷ గిద్దేలు, గహరు, రెవాయా,

⁴⁸ రెజీను, నెకోదా, గజ్జాము,

⁴⁹ ఉజ్జా, పాసెయ, బేసాయి,

⁵⁰ అస్నా, మెహూనీము, నెపూసీము,

⁵¹ బక్బూకు, హకూపా, హర్హూరు

⁵² బజ్లీతు, మెహీదా, హర్షా

⁵³ బర్కోసు, సీసెరా, తెమహు

⁵⁴ నెజీయాహు, హటీపా,

⁵⁵ సొలొమోను సేవకుల వంశస్థులు: సొటయి, సోపెరెతు, పెరూదా,

⁵⁶ యహలా, దర్కోను, గిద్దేలు,

⁵⁷ షెపట్య, హట్టీలు, పొకెరెతు, జెబాయీము మరియు అమి

⁵⁸ దేవాలయ సేవకులూ, మరిము సొలొమోను సేవకుల వంశస్థులు కలిసి మొత్తం 392

⁵⁹ తేల్మెలహు తేల్హర్షా, కెరూబు, అద్దాను, ఇమ్మేరు పట్టణాలనుంచి యెరూషలేముకు కొందరు వచ్చారు. అయితే వీళ్లు తమ కుటుంబాల వాళ్లయిన ఇశ్రాయేలీయుల కుటుంబాలకు చెందినవాళ్లమని నిరూపించుకో లేకపోయారు. వాళ్లెవరంటే,

⁶⁰ దెలాయ్యా, టోబీయా, నెకోదా సంతతివారు మొత్తం 652

⁶¹ యాజకుల కుటుంబాలకు చెందిన ఈ క్రింది వంశస్థులు వున్నారు: హబాయ్యా, హక్కోజు, బర్జిల్లయి వంశస్థులు. (గిలాదుకు చెందిన ఒకడు బర్జిల్లయి అమ్మాయిని పెళ్లి చేసుకున్నాడు. అతను బర్జిల్లయి సంతతివాడిగా పరిగణించబడ్డాడు.)

⁶² వీళ్లు తమ వంశ చరిత్రకోసం గాలించారు. కానీ అది వాళ్లకి లభ్యం కాలేదు. వాళ్ల పేర్లు యాజకుల జాబితాలో నమోదు కాలేదు. తమ పూర్వీకులు యాజకులని వాళ్లు నిరూపించ లేకపోయారు. దానితో, వాళ్లు యాజకులుగా సేవ చేయలేకపోయారు.

⁶³ వాళ్లు ప్రతిష్ఠితమైన వస్తువులను తినకూడదని రాజ్యాధిపతి ఆజ్ఞ జారి చేశాడు. ఒక యాజకుడు ఊరీము, తుమ్మీము ధరించి, ఏమి చేయాలని దేవుణ్ణి అడిగేంతవరకు వాళ్లు ప్రతిష్ఠితమైన వస్తువులేమీ తినలేకపోయారు.

^64-65 మొత్తంమీద తిరిగివచ్చిన ఆ వంశంలో 42,360 మంది వున్నారు. వాళ్లలో 7,337 మంది స్త్రీ, పురుష సేవకులను పరిగణలోకి తీసుకోకపోతే తేలిన సంఖ్య ఇది. వాళ్లతో 200 మంది గాయనీ గాయకులు కూడా వున్నారు.

^66-67 వాళ్లకి 736 గుర్రాలు, 245 కంచర గాడిదలు, 435 ఒంటెలు, 6,720 గాడిదలు ఉన్నాయి.

⁶⁸ ఆ వంశం యెరూషలేములోని దేవుని ఆలయానికి చేరుకుంది. తర్వాత కుటుంబ పెద్దలు దేవాలయ నిర్మాణం కోసం తమ కానుకలు సమర్పించారు. పాత దేవాలయం నేలమట్టము చేయబడిన చోటనే కొత్త దేవాలయ నిర్మాణానికి వాళ్లు పూనుకొన్నారు.

⁶⁹ వాళ్లు దేవాలయ నిర్మాణానికి తమ శక్తి కొద్దీ కానుకలు ఇచ్చారు 1,100 పౌనుల బంగారం, 3 టన్నుల వెండి, యాజకులు ధరించే 100 దుస్తులు వాళ్లు ఇచ్చారు.

⁷⁰ ఈ విధంగా యాజకులు, లేవీ గోత్రీకులు, తదితరులు కొంతమంది యెరూషలేముకి, దాని చుట్టూవున్న ప్రాంతాలకీ చేరుకున్నారు. ఈ వంశంలో దేవాలయ గాయకులు, ద్వారపాలకులు, దేవాలయ సేవకులు వున్నారు. తదితర ఇశ్రాయేలీయులు తమ తమ సొంత పట్టణాల్లో స్థిరపడ్డారు.